Yoshua 23:10 - Biblia Kikutu

¹⁰ Munhu imoja hagati yenu kodaha kuwawinga iwanhu elufu imoja, kwavija Mndewa Imulungu, Imulungu wenu ayo yowagombela kamba viyawalongele kotenda.

Yoshua 23:10 ပူးပေါင်းရင်းမြစ်များ

2 Samweli 23:8

Gano gago matwaga ga wakalizi magalu wa Daudi, Yashobeamu Mhakimoni, yakalile kilongozi wa awo Iwadatu, heyo kaitowa kwa mgoha wake, kawakoma wanhu magana manane mwanza umoja.

Zabuli 35:1

Go Mndewa Imulungu, uwaleme iwanhu onilema niye, uwatowe iwanhu onitowa niye.

Zabuli 46:7

Mndewa Imulungu yeli na udahi wose kahamoja na siye, Imulungu wa Yakobo ayo ngome yetu.

Kulawa 14:14

Mndewa Imulungu kowagombela, mweye nyamaleni.”

Walawi 26:7

Mowawinga wanhu owehila na mowakoma kwa misime.

Walawi 26:8

Wanhu watano owawinga wanhu owehila gana dimoja na wanhu gana dimoja kumwenu owawinga wanhu elufu longo. Wanhu owehila obanangigwa mgameso genu kwa misime.

Walumi 8:31

Mzimbuli zose zino, tulonge choni, Imulungu yahawa ubanzi wetu, nani yodaha kututenda mbuli yoyose?

Kumbukumbu 20:3

‘Tegelezeni mweye wanhu wa Izilaeli! Sambi mosonga kuitowa na iwanhu owehila. Sikumuwadumbe hebu kunyawanyawa hebu kugwaya kwa bwembwe,

Kumbukumbu 20:4

kwavija Mndewa Imulungu, Imulungu wenu ayo yochola hamoja na mweye kuitowa na iwanhu owehila mbuli yenu ili yawatende muhume.’

Kumbukumbu 28:7

Wanhu owehila wahawavamila, Mndewa Imulungu kowatenda wahumwe mgameso genu. Okwiza kuwavamila kwa nzila imoja, lakini owakimbila kwa nzila saba.

Kumbukumbu 3:22

Sikumuwadumbe, kwavija Mndewa Imulungu, Imulungu wenu koitowa na hewo mbuli yenu.’

Kumbukumbu 32:20

Kalonga, ‘Nokifisa kihanga changu, ndole kimambukizo chao chokuwaze,’ kwavija awo ulelo wihile, na wana hawatamaniligwa.

Kumbukumbu 32:30

Munhu imoja kodaha vilihi kuwahuma wanhu elufu imoja hebu wanhu wabili odaha vilihi kuwahuma wanhu elufu kumi? Yodahika kamba Dibwe jao kulu kawaleka, na Mndewa Imulungu wao mkulu kawadonha.

Yoshua 10:42

Yoshua kaisola isi ayo yose na iwandewa wose kwa mwanza umoja, kwavija Mndewa Imulungu, Imulungu wa Izilaeli kawagombela.

Yoshua 23:11

Avo, muiteganye, mumnogele Mndewa Imulungu, Imulungu wenu.

Yoshua 23:3

Na mweye mona gose Mndewa Imulungu, Imulungu wenu gayawatendele iwanhu wa isi azo mbuli yenu mweye, kwavija Mndewa Imulungu, Imulungu wenu ayo yawagombele.

Wasemi 15:15

Samsoni kadondola lukongolo lwa lusaya lwa kihongwe, kawakoma wanhu elufu imoja kwa ulukongolo alo.

Wasemi 3:31

Ako kumwande Shamugali mwanage Anati kasola ulongozi. Heyo kawakoma Wafilisiti magana sita kwa fimbo ya kususila ng'ombe. Na heyo vivija kawakombola Waizilaeli.

1 Samweli 14:6

Avo Yonatani kamulongela ija imbwanga iyampapile ivinhu vake va ng'hondo, “Izo tuchole mwambu uja kuna ing'hambi ya iwanhu wano hawengile kumbi. Sengine Mndewa Imulungu kotutaza, kwavija Mndewa Imulungu kodaha kugombola kubitila wanhu wengi hebu wanhu kidogo.”