Yoshua 22:9 - Biblia Kikutu

⁹ Iwanhu wa kabila da Lubeni na kabila da Gadi na nusu ya kabila da Manase wabwela ukae, wasegela kwa iwanhu wa Izilaeli wakalile ako Shilo mwiisi ya Kanaani, wachola mwiisi ya Gileadi isi yao wenyego iwaisolile kwa lagizo da Mndewa Imulungu kubitila Musa.

Yoshua 22:9 ပူးပေါင်းရင်းမြစ်များ

2 Samweli 2:9

ako, Abineli kamtenda yawe mndewa wa isi ya Gileadi, Ashulu, Yezileeli, Efulaimu, Benjamini na Izilaeli yose.

Zabuli 60:7

Isi ya Gileadi yangu niye na isi ya Manase yangu niye, isi ya Efulaimu ayo kamba kofia jangu da zuma. Isi ya Yuda ayo kamba fimbo yangu ya utawala.

Kupetigwa 32:1

Makabila ga Lubeni na Gadi gakala na fugo nyingi. Avo viwone isi ya Yazeli na Gileadi zofaya kwa fugo zao,

Kupetigwa 32:20

Avo Musa kawalongela, “Kamba kweli motenda kamba vimulongile, avo baha kuulongozi wa Mndewa Imulungu, muitande kuchola kuna ing'hondo.

Kupetigwa 32:22

na moisola isi ayo. Mwahatenda gago mobwela kwavija mokuwa musang'hana gaja golondigwa na Mndewa Imulungu kwa ndugu zenu Waizilaeli. Abaho Mndewa Imulungu kowatogolela muisole isi ino ya umwambu wa kudilawila zuwa wa Yolidani.

Kupetigwa 32:26

Wehe zetu na wanetu na ng'hondolo na ng'ombe osigala hano mwiisi ya Gileadi.

Kupetigwa 32:29

“Kamba wanhu wa makabila ga Gadi na Lubeni wahaloka lwanda lwa Yolidani hamoja na mweye kuno wapapa migoha yao na kuno molongozwa na Mndewa Imulungu, mwahawatowa iwanhu awo na kuisola isi ayo, avo muwagwelele isi ya Gileadi iwe yao.

Kumbukumbu 3:18

“Kipindi acho niwagwaa malagizo gano, ‘Mndewa Imulungu, Imulungu wenu kawagwaa isi ino ili umwambu wa kudilawila zuwa wa Yolidani, muisole. Avo mweye mudahaga kuitowa mwiing'hondo, soleni migoha yenu muloke ulwanda lwa Yolidani kuwalongolela ndugu zenu Waizilaeli waenu.

Kumbukumbu 3:20

Watazeni ndugu zenu Waizilaeli mbaka Mndewa Imulungu vonda yawatende wakale hanhu hao kamba viyatendile kumwenu, na hewo vivija waisole isi ija Mndewa Imulungu, Imulungu wenu kowagwaa, ako umwambu wa Yolidani. Abaho kila munhu kumwenu kobwela mwiisi yenu ino iniwagwelele iwe yenu.’

Kumbukumbu 34:1

Avo, Musa kasegela aho kudibawe da Moabu, kachola kulugongo lwa Nebo, kakwela kuinhembeti ya Pisiga ili mwambu kwa mwambu na buga da Yeliko. Aho Mndewa Imulungu kamulagusila isi yose kulawa Gileadi mbaka Dani,

Yoshua 13:11

na isi ya Gileadi na isi ya Wageshuli na isi ya Wamaaka na ulugongo lwa Helimoni na isi yose ya Bashani mbaka Saleka,

Yoshua 13:25

Isi yao ikala Yazeli, na mabuga gose ga Gileadi na nusu ya isi ya Waamoni mbaka Aloeli ili umwambu wa kudilawila zuwa wa Laba,

Yoshua 13:31

na nusu ya Gileadi na Ashitaloti na Edilei na mabuga gose ga undewa wa Ogu ako Bashani. Isi ayo wagweleligwa nusu ya iwanhu wa ulelo wa Makili mwanage Manase kamba viweli mzing'holo zao.

Yoshua 22:10

Viwavikile ako hana ulwanda lwa Yolidani mwiisi ayo ya Kanaani, iwanhu awo wa kabila da Lubeni na kabila da Gadi na nusu ya kabila da Manase wazenga upango wa nhosa mkulu ako behi ya Yolidani.

Wasemi 20:1

Abaho iwanhu wose wa Izilaeli wasegela kulawa Dani mbaka Beelisheba, hamoja na iwanhu wa isi ya Gileadi, waiting'hana ako Misipa, kuulongozi wa Mndewa Imulungu.

Wasemi 5:17

Kabila da Gadi disigala umwambu wa Yolidani. Kabila da Dani disigala mzimeli. Kabila da Asheli disigala ako kuna imwhani ya bahali, wakala mmaloko.