Yoshua 22:28 - Biblia Kikutu

²⁸ Avo siye tugelegeza, kamba olonga vivo kumwetu hebu kwa iwanhu wa ulelo wetu ako kumwande, siye tolonga, ‘Loleni upango uigalile na uupango wa nhosa wa Mndewa Imulungu, uwazengile iwahenga zetu, siyo mbuli ya kulavila nhosa za kusoma moto hebu sadaka, lakini kamba usindila kumwetu, siye na mweye.’

Yoshua 22:28 ပူးပေါင်းရင်းမြစ်များ

Mwanduso 31:48

Labani kamulongela Yakobo, “Lundo dino dotukumbusa niye na gweye.” Lekaavo twaga jake hakemigwa Galeedi.

Kulawa 25:40

Witeganye utende kamba viulagusiligwe kuja kulugongo.

Waebulania 8:5

Sang'hano zootenda walava nhosa wano, kamba kinhu kilagusa vija vili kuulanga. Kamba viikalile kwa Musa, viyakalile mmabehi kuzenga hema da kutambikila, Imulungu kamulongela, “Lola, sang'hana kila kinhu kamba lamani yulagusilwe kulugongo.”

Yoshua 22:27

ila uwe usindila hagati yetu, mweye na siye, na uwe usindila kwa iwanhu wa ulelo wetu kamba na siye tolondigwa kumsang'hanila Mndewa Imulungu kwa nhosa zetu za kusoma moto na sadaka na nhosa za kugala kuilumba, ili wanenu sikuwawalongele wanetu ako kumwande, “Mweye mduhu fungu hagati ya Mndewa Imulungu.” ’

Yoshua 22:29

Siye hatulondile kumulema Mndewa Imulungu kwa mbuli yoyose hebu tumuleme kwa kuzenga upango wa kulavila nhosa za kusoma moto hebu nhosa za ndiya hebu sadaka. Hatulonda kulava nhosa hanhu hohose hayagwe ila hana uupango wa nhosa wa Mndewa Imulungu, Imulungu wetu, uli ako kuna dihema da mting'hano.”

Yoshua 24:27

Yoshua kawalongela iwanhu wose, “Loleni, dibwe dino dokuwa usindila kumwetu, kwavija dihulika mbuli zose ziyatulongele Mndewa Imulungu. Avo dokuwa usindila kumwenu, ili sikumumuleke Imulungu wenu.”