Yoshua 22:11 - Biblia Kikutu

¹¹ Avo, iwanhu wa Izilaeli waihulika mbuli ayo na walonga, “Loleni iwanhu wa kabila da Lubeni na kabila da Gadi na nusu ya kabila da Manase wazenga upango wa nhosa behi na lwanda lwa Yolidani mwiisi ya Kanaani, mwiisi yetu siye.”

Yoshua 22:11 ပူးပေါင်းရင်းမြစ်များ

Yohana 1:28

Mbuli zose zino zilongigwa ako Betania mwambu wa kudilawila zuwa wa lwanda lwa Yolidani, kuyakalile Yohana yobatiza wanhu.

Yohana 20:1

Imitootondo ng'hani mwiisiku ya Jumapili, kung'hali hakuna kunguzuka goya, Malia Magidalena kachola kuna dipanga kajona dija didibwe disegesigwa mmulomo wa dipanga.

Yohana 20:12

kawona wasenga wa kuulanga wabili wavalile viwalo vizelu, wakala aho halukalile lukuli lwa Yesu, imoja kudipala na iyagwe kuna gamagulu.

Kumbukumbu 12:11

avo hanhu aho Mndewa Imulungu, Imulungu wenu, honda yasagule kwika twaga jake, aho homulondigwa kugala kila kinhu kiniwalagize, nhosa zenu za kusoma moto na nhosa ziyagwe, mafungu genu ga longo na sadaka na nhosa zenu za kuiduwila zimuiduwile kwa Mndewa Imulungu.

Yoshua 2:7

Avo iwanhu awo wawazahila awo iwasepaji kuinzila ichola Yolidani mbaka kudiloko. Baho iwanhu awo viwalawile kunze kuwazahila awo iwasepaji, ulwivi lwa dibuga luhindigwa.

Yoshua 22:10

Viwavikile ako hana ulwanda lwa Yolidani mwiisi ayo ya Kanaani, iwanhu awo wa kabila da Lubeni na kabila da Gadi na nusu ya kabila da Manase wazenga upango wa nhosa mkulu ako behi ya Yolidani.

Yoshua 22:16

“Umting'hano wose wa iwanhu wa Mndewa Imulungu owauza, ‘Uvizi gani uno umumtendele Imulungu wa Izilaeli? Habali mumulema Mndewa Imulungu kwa kuzenga upango uno wa nhosa?

Yoshua 22:19

Kamba isi ayo yumusolile haing'alile bule, avo choleni kuna iisi ya Mndewa Imulungu ako kudili dihema da Mndewa Imulungu, na musole isi hamoja na siye. Ili sikumumuleme Mndewa Imulungu hebu kututenda siye wose tumuleme kwa kuzenga upango wenu wa nhosa, na kuleka uja uupango wa nhosa wa Mndewa Imulungu, Imulungu wetu.

Wasemi 12:5

Abaho iwanhu wa Gileadi wagoga maloko gose ga ulwanda lwa Yolidani ili munhu yoyose kulawa kabila da Efulaimu sikuyaloke. Munhu yoyose yokimbila ing'hondo yahalonda kuloka, wanhu wa Gileadi wamuuza, “Vino gweye kolawa kabila da Efulaimu?” Kamba yahedika, “Aka,”