Yoshua 21:44 - Biblia Kikutu

⁴⁴ Mndewa Imulungu kawagwaa tindiwalo kila hanhu kamba viyaiduwile kwa iwahenga zao. Kuduhu imunhu yawehile yadahile kuwahuma, kwavija Mndewa Imulungu kawagela mmakono gao iwanhu wose wawehile.

Yoshua 21:44 ပူးပေါင်းရင်းမြစ်များ

Kulawa 23:31

Zimbaka za isi yenu zokuwa kulawa bahali ya Shamu mbaka bahali ya Meditelania na kulawa kuluwala mbaka muulwanda lwa Fulate, kwavija nowagela wanhu wa isi ayo mmakono genu, na mweye mowawinga.

Kulawa 33:14

Mndewa Imulungu kalonga, “Niye nochola hamoja na gweye na nokugwaa tindiwalo.”

Kumbukumbu 2:36

Kusongela Aloeli buga dili kumgwazo wa kubonde da Alinoni na buga dili kumgwazo wa bonde da Gileadi, kuduhu buga dikalile digangamale mbaka siye tulemelwe kudisola. Mndewa Imulungu, Imulungu wetu, kagagela mmakono getu mabuga gose.

Kumbukumbu 21:10

“Mwahachola kuna ing'hondo kuitowa na iwanhu owehila, na Mndewa Imulungu, Imulungu wenu kawatenda muhume, na muwasola iwanhu awo kuno wang'hali wagima,

Waebulania 4:9

Avo kung'hali kuna kubwihila kwa wanhu wa Imulungu kamba Imulungu viyabwihile siku ya saba.

Yoshua 1:13

“Kumbukeni gose gayawalagize Musa imsang'hanaji wa Mndewa Imulungu, viyalongile, ‘Mndewa Imulungu, Imulungu wenu, kowagwaa hanhu ha kubwihila na kowagwaa isi ino.’

Yoshua 1:15

mbaka Mndewa Imulungu vonda yawagwelele ndugu zenu hanhu ha kubwihila kamba viyawagwelele mweye, hewo vivija waisole isi iyowagwelela Mndewa Imulungu, Imulungu wenu. Abaho mubwele mna iisi yumusolile, isi iyawagwelele Musa msang'hanaji wa Mndewa Imulungu, mwambu uno wa Yolidani, umwambu wa kudilawila zuwa.”

Yoshua 1:5

Kuduhu munhu yodaha kukuhuma siku zose za ugima wako. Nokuwa hamoja na gweye, kamba vinikalile hamoja na Musa. Sikuleka bule hebu kukusemwa.

Yoshua 11:12

Vivija kagasola mabuga gose gayagwe na iwandewa wao kawagoga na kawakoma kwa sime. Kagabananga gose, kamba Musa imsang'hanaji wa Mndewa Imulungu viyamulagize.

Yoshua 11:23

Avo Yoshua kaisola isi yose kamba vigali gose gayalongile Mndewa Imulungu kwa Musa. Yoshua kawagwelela isi ayo Waizilaeli kamba uhazi wao, na kawagolela kamba makabila gao vigeli. Abaho isi yose ibwihila na kukala kuduhu ng'hondo kabili.

Yoshua 11:8

Mndewa Imulungu kawagela mmakono ga Waizilaeli, wawatowa na kuwawinga mbaka Sidoni ing'hulu na mbaka ako Misilefoti Maimu na mbaka ako umwambu wa kudilawila zuwa wa kubonde da Misipa. Wawatowa na kuwakoma wose.

Yoshua 2:24

Wamulongela Yoshua, “Kweli Mndewa Imulungu kaigela mmakono getu isi ayo yose. Kubanza gago, iwenekae wa isi ayo imizoyo yao yolumbuka mbuli yetu siye.”

Yoshua 22:4

Sambi Mndewa Imulungu, Imulungu wenu kawagwaa ndugu zenu tindiwalo kamba viyalongile. Avo bweleni kumwenu mwiisi ya uhazi wenu, iyawagwelele Musa imsang'hanaji wa Mndewa Imulungu, ako umwambu wa lwanda lwa Yolidani.

Yoshua 22:9

Iwanhu wa kabila da Lubeni na kabila da Gadi na nusu ya kabila da Manase wabwela ukae, wasegela kwa iwanhu wa Izilaeli wakalile ako Shilo mwiisi ya Kanaani, wachola mwiisi ya Gileadi isi yao wenyego iwaisolile kwa lagizo da Mndewa Imulungu kubitila Musa.

Yoshua 23:1

Kwa kipindi kitali, Mndewa Imulungu kawagwelela tindiwalo iwanhu wa Izilaeli mbuli ya awo iwanhu owehila wakalile wawazunguluke banzi zose, na Yoshua kakala mvele na kakala na miyaka mingi.