Yoshua 21:43 - Biblia Kikutu

⁴³ Avo, Mndewa Imulungu kawagwelela iwanhu wa Izilaeli isi yose iyaiduwile kuwagwaa iwahenga zao. Hewo waisola na wakala mumo.

Yoshua 21:43 ပူးပေါင်းရင်းမြစ်များ

Mwanduso 12:7

Ako Mndewa Imulungu kamulawilila Abulamu, kamulongela, “Ino ayo isi yonda niwagwee ulelo wako.” Abaho Abulamu kamzengela upango wa kulavila nhosa Mndewa yamulawilile.

Mwanduso 13:15

Isi yose ino yuulola, nokugwaa gweye na ulelo wako, iwe yenu milele.

Mwanduso 28:4

Imulungu yakutendele ganogile gweye na ulelo wako kamba viyamtendele ganogile Abulahamu, usole isi ino yuukala kamba munhu baki, isi ija Imulungu iyamgwelele Abulahamu.”

Zabuli 105:8

Kodikumbuka lagano jake milele, mbuli ija yailagize kwa ulelo elufu.

Zabuli 44:3

Kwavija siyo kwa sime jao waisola isi ayo, wala siyo mkono wao uwakombole, lakini mkono wako wa ukudila na mng'alo wa ikihanga chako, kwavija kuwanogela.

Zabuli 78:55

Kawawinga iwanhu wa isi ziyagwe kuulongozi wao, na kaigola isi yao kamba uhazi, kageka makabila ga Izilaeli mvibanda vao.

Kulawa 3:8

avo nihumuluka ili niwakombole walawe mmakono gawa Misili na niwagale mwiisi ng'hulu na inogile, isi imemile uki na maziwa, isi ya Wakanaani na Wahiti na Waamoli na Wapelizi na Wahivi na Wayebusi.

Kupetigwa 33:53

Muisole isi ayo na mukale mumo kwavija niye niwagwelela iwe yenu.

Kupetigwa 34:2

“Walongele Waizilaeli vino, vonda mwingile mwiisi ya Kanaani, isi iniwagwelele iwe yenu, zimbaka za isi yenu zokuwa kamba vino.

Kumbukumbu 11:31

Molondigwa kuloka ulwanda lwa Yolidani ili muchole mukaisole isi iyowagwaa Mndewa Imulungu, Imulungu wenu. Avo mwahaisola na kukala mumo,

Kumbukumbu 12:29

“Mndewa Imulungu, Imulungu wenu yahamambukiza kuwasegesa wanhu wa isi zili kuulongozi wenu, iwanhu awo omuchola kuisola isi yao, ili mweye mukale mwiisi yao,

Kumbukumbu 17:14

“Mwahengila mwiisi yonda yawagwee Mndewa Imulungu, Imulungu wenu, mwahaisola na kukala mumo, na mweye molonga, ‘Tusagule mndewa yatutawale, kamba wanhu wa isi zose zituzunguluke,’

Kumbukumbu 34:4

Abaho Mndewa Imulungu kamulongela Musa, “Ino ayo isi iniiduwile kwa Abulahamu na Isaka na Yakobo kamba nowagwaa ulelo wao. Nikulagusila uilole kwa meso gako mwenyego, lakini huvika bule kuko.”

Yoshua 1:6

Ugangamale na uwe galu kwavija kowalongoza wanhu wano waisole isi iniiduwile kwa iwahenga zao kuwagwaa hewo.

Yoshua 21:42

Mabuga gose ago gakala na hanhu ha kudimila fugo kuzunguluka kila buga. Gose gakala vivo.

Wasemi 11:24

Gweye sola gaja gaugweleligwe na imulungu wako Kemoshi. Lakini isi yose Mndewa Imulungu, Imulungu wetu iyabokile na katugwaa siye, ayo yokuwa yetu.

1 Samweli 12:8

“Yakobo viyengile isi ya Misili, na Wamisili viwakalile owadununza, wahenga zenu wamulilila Mndewa Imulungu, avo Mndewa Imulungu kawatuma Musa na Haluni, hewo iwo wawalavile mwiisi ya Misili na kuwatenda mukale mwiisi ino.