Yoshua 20:8 - Biblia Kikutu

⁸ Umwambu wa Yolidani, umwambu wa kudilawila zuwa wa buga da Yeliko, wadisagula buga da Bezeli dikalile kuluwala ako kudibawe kulawa kwa iwanhu wa kabila da Lubeni, na buga da Lamoti dikalile ako Gileadi kulawa kwa iwanhu wa kabila da Gadi, na buga da Golani dikalile ako Bashani kulawa kwa iwanhu wa kabila da Manase.

Yoshua 20:8 ပူးပေါင်းရင်းမြစ်များ

Kumbukumbu 3:10

Musa kagendelela kulonga, “Tugasola mabuga gose geli kudibawe, na isi yose ya Gileadi na Bashani mbaka Saleka na Edilei gamabuga ga mndewa Ogu wa ako Bashani.”

Kumbukumbu 4:43

Kadibagula buga da Bezeli dili kudibawe da ikiwala kawagwelela wanhu wa kabila da Lubeni, na buga da Lamoti mwiisi ya Gileadi kawagwelela iwanhu wa kabila da Gadi na buga da Golani mwiisi ya Bashani kawagwelela iwanhu wa kabila da Manase.

Yoshua 20:7

Avo wagasagula mabuga ga Kedeshi dikalile Galilaya kuna iisi ya kuvigongo va Nafutali na buga da Shekemu dikalile kuna iisi ya kuvigongo va Efulaimu na buga da Kiliati Aliba, twaga diyagwe dojuwigwa kamba Hebuloni, dikalile kuna iisi ya kuvigongo va Yuda.

Yoshua 20:9

Mabuga gago gabaguligwa mbuli ya iwanhu wose wa Izilaeli na iwanhu baki iwokala hagati yao. Munhu yoyose yonda yamkome miyage bila kulonda kodaha kukimbilila kuko, ili sikuyakomigwe na imunhu yolonda kumbwezela, yang'hali hana kwima kuulongozi wa umting'hano ili wajuwe cha kumtenda.

Yoshua 21:27

Lukolo lwa Wagelishoni, kulawa mzing'holo za Walawi, wagweleligwa mabuga mabili kulawa kwa nusu ya kabila da Manase, buga da Golani dili ako Bashani hamoja na ihanhu ha kudimila fugo, kamba buga da kukimbilila, kwa munhu yamkomile miyage bila kulonda, na buga da Beeshitela hamoja na ihanhu ha kudimila fugo.

Yoshua 21:36

Kulawa mdikabila da Lubeni wagweleligwa mabuga ga Bezeli hamoja na ihanhu ha kudimila fugo na Yahasa hamoja na ihanhu ha kudimila fugo,

Yoshua 21:38

Kulawa mdikabila da Gadi wagweleligwa mabuga ga Lamoti dili ako Gileadi hamoja na ihanhu ha kudimila fugo, kamba buga da kukimbilila kwa munhu yamkomile miyage bila kulonda na buga da Mahanaimu hamoja na ihanhu ha kudimila fugo,