Yoshua 2:12 - Biblia Kikutu

¹² Avo sambi chonde iduwileni kwa twaga da Mndewa Imulungu, kamba monhendela ganogile niye na ndugu zangu kamba niye viniwatendele ganogile. Na mnigwelele kilaguso,

Yoshua 2:12 ပူးပေါင်းရင်းမြစ်များ

Mwanduso 21:23

Lelo, niduwile kwa Imulungu honda umvizile niye, hebu wanangu, hebu lukolo lwangu. Kamba niye vinhendile ganogile kumwako na gweye unhendele vivo, hamoja na isi yuukala.”

Mwanduso 24:3

Nokulonda uiduwile kwa Mndewa Imulungu, Imulungu wa kuulanga na mwiisi, kamba honda umsolele mwehe mwanangu kulawa kwa wandele wa Wakanaani onikala nao hano.

Mwanduso 24:9

Avo msang'hanaji ija kengiza mkono wake mna gamaungo madeke ga imkulu wake Abulahamu, kaiduwila kamba kotenda kamba viyalondile Abulahamu.

Mwanduso 40:14

Lakini chonde sikuunisemwe wahalawa kunze unyonele bazi na unitambule mgameso ga Falao, ili ndawe mkifungo.

Kulawa 12:13

Damu ili mna iviwambaza yokuwa kilaguso kulagusa ng'anda zimukala. Nahayona damu ayo, nowabita mweye, na siwalumiza bule kipindi viniwabananga Wamisili.

Maluko 14:44

Yuda Isikaliote yomuhinduka Yesu kawagwaa kilaguso, kawalongela, “Munhu yonda nimnonele ayo yummulonda. Mgogeni mumgele mmakono genu.”

Walumi 1:31

wabule nzewele, hawatenda ziwalongile, hawawanogela wanhu na wabule bazi kwa wanhu wayagwe.

1 Timoseo 5:8

Kamba munhu yoyose hawatonga wanhu wa lukolo lwake, ng'hani ng'hani awo weli mng'anda mmwake, munhu ayo kakubeza kutamanila na keha ng'hani kubanza imunhu hamtogola Yesu.

Yakobo 2:13

Kwavija Imulungu kotagusa bila bazi kwa munhu yoyose yelibule bazi. Lakini munhu yeli na bazi hadumba kutagusigwa.

Yoshua 2:13

kamba mowaleka wagima, tatangu na mamangu, lumbu zangu na wadodo zangu na wakulu zangu na wanao, na hamutogola tukomigwe!”

Yoshua 2:18

Vonda tubwele mwiisi ino, gweye funga luzabi luno ludung'hu hana dizonzo diutuhumulusile hasi, na uwating'hanize mng'anda yako, tatako na mamako na ndugu zako na iwanhu wose wa ng'anda ya tatako.

Yoshua 2:19

Lakini munhu yoyose yonda yalawe kunze ya ing'anda yako na kuchola kulubuga, ifa yake yokuwa mmakono gake, siye tokuwa hatubanange. Lakini kamba munhu yoyose yahafa mng'anda yako, ifa yake yokuwa mmakono getu.

Yoshua 6:22

Abaho Yoshua kawalongela iwanhu wabili wacholile kuisungulila isi ayo, “Choleni mna ing'anda ya ija imgoni na mumgale mtwanzi ayo hamoja na iwanhu wose weli ndugu zake kamba vimuiduwile kumwake.”

Yoshua 9:15

Yoshua kailumba na hewo na katenda nao lagano da kuwatogolela kukala. Vilongozi wa Waizilaeli waiduwila kutenda kija kiwailagane.

Wasemi 1:24

Wanhu awo wacholile kudisungulila dibuga wamona munhu imoja kolawa kudibuga, hewo wamulongela, “Chonde, tulagusile inzila ya kwingila kudibuga, na siye tokutendela ganogile.”

1 Samweli 30:15

Daudi kamuuza, “Vino, kodaha kunigala kudibumbila dijo?” Ija imbwanga kamulongela, “Kamba wahaiduwila kwa twaga da Imulungu, kamba hunikoma, hebu kunigala mmakono ga mkulu wangu, nokugala.”