Yoshua 2:11 - Biblia Kikutu

¹¹ Avo vituhulike mbuli azo, siye tudumba na kuduhu nguvu isigale kwa munhu yoyose mbuli yenu mweye, kwavija Mndewa Imulungu, Imulungu wenu, ayo Imulungu uchanha kuulanga na mwiisi.

Yoshua 2:11 ပူးပေါင်းရင်းမြစ်များ

Zabuli 102:15

Abaho iwanhu wa isi zose odidumba twaga da Mndewa Imulungu, na wandewa wose wa mwiisi odumba ukulu wake.

Zabuli 22:14

Nitika kamba mazi, na mizege yangu yose yogedela, moyo wangu kamba uhota, olumbuka mgati yangu.

Zabuli 58:7

Waleke wasegele kamba mazi gokilima himahima, wahakwega upinde misale yao iwe dugi.

Zabuli 83:18

Waleke wajuwe kamba gweye wiiyeka, gweye twaga jako Mndewa Imulungu, gweye ayo ukalaga Uchanha Ng'hani ya isi yose.

Kulawa 15:14

Wanhu wa isi ziyagwe wazihulika mbuli azo, na wagwaya kwa bwembwe, Wanhu okala Filisitia onyawanyawa.

Kulawa 15:15

Watawala wa isi ya Edomu ogwaya, wakulu wa Moabu oinyuwata, wanhu wose okala Kanaani mizoyo yao yolumbuka.

Kumbukumbu 1:28

Avo tuchole kwahi? Ndugu zetu watubena nguvu, watulongela, “Wanhu awo wana nguvu na watali kubanza siye, mabuga gao makulu, wagazungulusila senyenge mbaka kuulanga. Vivija tuyona mizinhu mikulu, awo iwanhu wa ulelo wa Waanaki!” ’

Kumbukumbu 20:8

Vilongozi wagendelele kuwalongela iwanhu, ‘Vino kuna munhu yoyose hano konyawanyawa? Yabwele ukae sikuyawatende wayage wanyawenyawe kamba heyo.’

Kumbukumbu 4:39

Avo, muijuwe mbuli ino na muigelegeze mmizoyo yenu, kamba Mndewa Imulungu ayo Imulungu ako kuulanga na hasi mwiisi, na kuduhu iyagwe.

Yoshua 14:8

Lakini wayangu wanicholile nao wawadumbiza iwanhu, ila niye nimkweleleza Mndewa Imulungu, Imulungu wangu kwa moyo wangu wose.

Yoshua 2:24

Wamulongela Yoshua, “Kweli Mndewa Imulungu kaigela mmakono getu isi ayo yose. Kubanza gago, iwenekae wa isi ayo imizoyo yao yolumbuka mbuli yetu siye.”

Yoshua 5:1

Baho iwandewa wose wa Waamoli wakalile okala umwambu wa kudihongela zuwa wa lwanda lwa Yolidani, na iwandewa wose wa Wakanaani wakalile okala behi ya bahali, viwahulike Mndewa Imulungu kaganyaza mazi ga lwanda lwa Yolidani mbuli ya iwanhu wa Izilaeli mbaka wose viwalokile, wadumba na kuduhu nguvu isigale kumwao mbuli ya iwanhu wa Izilaeli.

Yoshua 7:5

iwanhu wa Ai wawawinga iwanhu wa Izilaeli kulawa haulwivi lwa dibuga mbaka kumtelemuko wa Shebalimu na wawakoma wanhu malongo madatu na sita kuko. Waizilaeli wabenigwa zinguvu na wakala debwee.

Yoshua 9:24

Wamwidikila Yoshua, “Kwavija siye wasang'hanaji wako tulongeligwa kamba Mndewa Imulungu, Imulungu wenu, kamulagiza msang'hanaji wake Musa yawagwee mweye isi yose na yawakome iwenekae wose wa isi ili kuulongozi wenu avo tudumba mbuli ya ugima wetu, lekaavo tutenda mbuli ino.

Ugubulo 6:16

Wavilongela vigongo na mibwe mikulu, “Tulagalileni mtufise kutali na meso ga ayo yakalile mkigoda cha undewa na kutali ya ng'hasiliki za Mwanang'hondolo!