Yoshua 18:13 - Biblia Kikutu

¹³ Abaho imbaka ayo igendelela kulawa baho na ivika kuna umwambu wa kusini wa buga da Luzu, twaga diyagwe dojuwigwa kamba Beseli, abaho igendelela mbaka Ataloti Adali behi na lugongo lukalile mwambu wa kusini wa Beti Holoni ya Hasi.

Yoshua 18:13 ပူးပေါင်းရင်းမြစ်များ

Mwanduso 28:19

Hanhu aho kahakema Beseli, fambulo jake, “Ng'anda ya Imulungu,” lakini aho umwaka buga dijo dikala dokemigwa Luzu.

Yoshua 10:11

Abaho viwakalile owakimbila Waizilaeli kumtelemko wa Beti Holoni, baho Mndewa Imulungu kawatowela mvula ya mibwe mikulu kulawa kuulanga viwakalile mnzila mbaka ako Azeka na wakomigwa. Iwanhu wengi wafa kwa mvula ayo ya mibwe kubanza awo wakomigwe na iwanhu wa Izilaeli.

Yoshua 16:5

Isi ya iwanhu wa kabila da Efulaimu kamba viweli mzing'holo zao ikala, imbaka ya isi yao kwa mwambu wa kudilawila zuwa ikala kulawa Ataloti Adali mbaka isi ya Beti Holoni ya Uchanha,

Yoshua 18:14

Abaho ayo imbaka ilozela mwambu uyagwe, ihindukila mwambu wa kudihongela zuwa kulawa aho hana ulugongo uilola na Beti Holoni na ichola kusini, na ihelela ako Kiliati Baali, twaga diyagwe dojuwigwa kamba Kiliati Yealimu, dibuga da iwanhu wa Yuda. Ayo iyo imbaka yao kwa umwambu wa kudihongela zuwa.

Yoshua 18:22

na Beti Alaba na Semalaimu na Beseli,

Yoshua 21:22

na Kibisaimu hamoja na ihanhu ha kudimila fugo na Beti Holoni hamoja na ihanhu ha kudimila fugo. Gose kwa gose gakala mabuga mane.

1 Samweli 13:18

Kibumbila kiyagwe kilongozela Beti Holoni, na kiyagwe kilongozela nzila ya kuchola kubonde da Seboimu mwambu wa kuluwala.