Yoshua 14:10 - Biblia Kikutu

¹⁰ Lola, sambi Mndewa Imulungu kanika mgima kamba viyalongile miyaka malongo mane na tano tangu kipindi acho Mndewa Imulungu viyamulongele Musa mbuli ino, Waizilaeli viwakalile obita kuluwala. Sambi nina miyaka malongo nane na tano.

Yoshua 14:10 ပူးပေါင်းရင်းမြစ်များ

Zabuli 107:4

Wakala tanga nzulule kuluwala, hawajone buga da kukala.

Zabuli 91:7

Kamba iwanhu elufu olagala behi yako, iwanhu elufu kumi mwambu wako wa ukudila, lakini gehile hagakukwesela gweye.

Kupetigwa 14:30

yonda yengile mwiisi iniwalongele nowagwaa iwe yenu, ila Kalebu mwanage Yefune na Yoshua mwanage Nuni.

Kupetigwa 14:38

Lakini Yoshua mwanage Nuni, na Kalebu mwanage Yefune, wasigala wagima mna iwanhu awo wacholile kuisungulila isi ayo.

Yoshua 11:18

Yoshua kaitowa na iwandewa awo wose kwa kipindi kitali.

Yoshua 13:1

Avo Yoshua kakala na miyaka mingi na kakala mvele avo Mndewa Imulungu kamulongela, “Gweye sambi kuna miyaka mingi na kwa mvele, na zisigala isi nyingi zing'hali hazinasoligwa.

Yoshua 14:11

Sambi ning'hali na nguvu kamba vinikalile siku ayo Musa viyanitumile. Kamba ving'halile na nguvu kipindi acho na sambi ning'hali nazo, nodaha kuchola kuing'hondo, na kusang'hana sang'hano yoyose iyagwe.

Yoshua 14:9

Mna isiku ayo Musa kaiduwila, ‘Kweli isi yuukanyage kwa magulu gako yokuwa uhazi wako na ulelo wako milele, kwavija kumkweleleza Mndewa Imulungu, Imulungu wako kwa moyo wako wose.’