Yoshua 13:31 - Biblia Kikutu

³¹ na nusu ya Gileadi na Ashitaloti na Edilei na mabuga gose ga undewa wa Ogu ako Bashani. Isi ayo wagweleligwa nusu ya iwanhu wa ulelo wa Makili mwanage Manase kamba viweli mzing'holo zao.

Yoshua 13:31 ပူးပေါင်းရင်းမြစ်များ

Zabuli 60:7

Isi ya Gileadi yangu niye na isi ya Manase yangu niye, isi ya Efulaimu ayo kamba kofia jangu da zuma. Isi ya Yuda ayo kamba fimbo yangu ya utawala.

Yoshua 12:4

Iyagwe kakala mndewa Ogu wa ako Bashani, imoja wa awo Walefai wasigale, yakalile ako Ashitaloti na ako Edilei,

Yoshua 13:12

na undewa wose wa Ogu, ayo yakalile yotawala ako Ashitaloti na Edilei ako Bashani, Ogu yaiyeka ayo yasigale mna Iwalefai. Musa kawahuma awo wose na kawawinga.

Yoshua 13:32

Awo uwo uhazi uwagolile Musa ako kudibawe da Moabu, mwambu wa kudilawila zuwa wa lwanda lwa Yolidani uilola na buga da Yeliko dikalile umwambu wa ulwanda.

Yoshua 17:5

Avo iwanhu wa kabila da Manase wengezelwa ng'hani mafungu longo ga isi, uhaleka isi ya Gileadi na Bashani, ikalile umwambu wa Yolidani,

Yoshua 17:6

kwavija iwandele wa imunhu kulawa kabila da Manase wagweleligwa isi kamba viwagweleligwe iwambigalo. Isi ya Gileadi wagweleligwa iwanhu wayagwe wa kabila da Manase.

Yoshua 9:10

tugahulika gose gayawatendele iwandewa wabili wa Waamoli wakalile umwambu wa lwanda lwa Yolidani, mndewa Sihoni wa Heshiboni na mndewa Ogu wa Bashani yakalile ako Ashitaloti.

Wasemi 10:6

Abaho iwanhu wa Izilaeli watenda gehile kabili mgameso ga Mndewa Imulungu, wavitambikila vinyago va Baali na mhanda za Ashitoleti, imilungu ya Shamu na Sidoni na Moabu na Waamoni na Wafilisiti. Wamuleka Mndewa Imulungu na hawamsang'hanile.

Wasemi 5:17

Kabila da Gadi disigala umwambu wa Yolidani. Kabila da Dani disigala mzimeli. Kabila da Asheli disigala ako kuna imwhani ya bahali, wakala mmaloko.

1 Samweli 12:10

Wahenga zenu wamulilila Mndewa Imulungu kuno olonga, ‘Tukutendela mbuli zihile kwavija tuleka kukutambikila gweye na tuvitambikila vinyago va Baali na mhanda za Ashitoleti. Utugombole kulawa mmakono ga wano iwotwihila, na siye tokusang'hanila.’

1 Samweli 7:3

Samweli kawalongela Waizilaeli wose, “Kamba mwahalonda kumbwelela Mndewa Imulungu kwa mizoyo yenu yose, muileke imilungu iyagwe na minyago ya Ashitoleti, na mumgoge Mndewa Imulungu na mumsang'hanile heyo yaiyeka, na heyo kowagombola kulawa mmakono ga Wafilisiti.”