Yoshua 13:22 - Biblia Kikutu

²² Vivija Waizilaeli wamkoma mna ing'hondo Balaamu mwanage Beoli, ayo yakalile yolagula.

Yoshua 13:22 ပူးပေါင်းရင်းမြစ်များ

Kupetigwa 23:23

Kuduhu uhawi kwa wanhu wa Yakobo, Kuduhu munhu yodaha kuwaloga Waizilaeli. Mbuli ya Izilaeli wanhu olonga, ‘Loleni unzonza uyatendile Imulungu!’

Kupetigwa 24:1

Avo, Balaamu kajuwa kamba Mndewa Imulungu kolonda kuwatambikila Waizilaeli, avo hacholile kabili kulagula ila kakala kolola kuluwala.

Kupetigwa 24:14

Avo nobwela kwa wanhu zangu, lakini ning'hali sinasegela beta nikulongele mbuli zonda watende wanhu awo kwa wanhu wako ako kumwande.”

Kupetigwa 31:8

Mna iwanhu awo wakomigwe kukala na wandewa watano wa isi ya Midiani, wakala Evi na Lekemu na Suli na Huli na Leba. Vivija wamkoma Balaamu mwanage Beoli.

Yoshua 13:23

Imbaka ya isi ya iwanhu wa kabila da Lubeni ikala ulwanda lwa Yolidani. Gago gamabuga na ivijiji awo ukalile uhazi wa iwanhu wa kabila da Lubeni kamba viweli mzing'holo zao.

2 Petulo 2:15

Waileka nzila igoloke, wapotela na kukweleleza nzila yaikweleleze Balaamu, mwana wa Beoli ija yanogelwe kupata fungu kwa kutenda gehile,

Yuda 1:11

Wanhu awo ogaya! Kwavija wakweleleza mbuli ziyasang'hane Kaini. Mbuli ya kulonda sente waigala wenyego muimhome iija ya Balaamu. Walema kamba viyalemile Kola vivija na hewo onangigwa kamba viyanangigwe heyo.

Ugubulo 19:20

Lakini ajo ding'onyo digogigwa hamoja na mtula ndagu wa uvizi yakalile yotenda unzonza hanhu ha ding'onyo. Kwa unzonza awo kawavizila waja wakalile na kilaguso cha ajo ding'onyo na waja waitambikile sanamu ya ding'onyo ajo. Dijo ding'onyo na mtula ndagu wa uvizi wose wabili wasigwa kuno wang'hali wagima mdilamba da moto mkulu na mabwe gokwaka.

Ugubulo 2:14

Lakini ning'hali na mbuli ndodo kumwako, kuna wanhu kumwako okweleleza mafundizo ga Balaamu, yamfundize Balaki yawekile ng'hwalo wanhu wa Izilaeli watende nzambi kwa kuwasusumiza waje ndiya ilavigwe kwa vinyago va imilungu na watende ugoni.