Yoshua 11:6 - Biblia Kikutu

⁶ Mndewa Imulungu kamulongela Yoshua, “Sikuuwadumbe hewo, kwavija mayo saa kamba ino nowakoma wose kwa kuwagela mmakono ga Waizilaeli, na gweye kowakanha imigiha iwafalasi na kuisoma moto mituka yao.”

Yoshua 11:6 ပူးပေါင်းရင်းမြစ်များ

2 Samweli 8:4

Daudi kamboka mndewa ayo mituka ya kung'hondo elufu na magana saba na wakalizi otembela kwa magulu elufu ishilini. Daudi kawakanha migiha mmagulu iwafalasi wa kung'hondo, ila falasi gana kawaleka mbuli ya mituka.

Zabuli 46:10

“Nyamaleni mjuwe kamba niye ayo Imulungu, notogolwa hagati ha iwanhu wa isi zose, notogolwa na isi yose.”

Zabuli 46:11

Mndewa Imulungu yeli na udahi wose kahamoja na siye, Imulungu wa Yakobo ayo ngome yetu.

Zabuli 46:9

Koimiza ng'hondo mbaka kuihelela isi. Koubena upinde na koubenabena mgoha, koisoma moto mituka.

Nongezi 20:7

Munhu mwene haki kogenda mnzila igoloke, wanage kumwande otendeligwa ganogile.

Kumbukumbu 7:16

Muwakome wanhu wose wa isi zose Mndewa Imulungu, Imulungu wenu yazigelile mmakono genu, na sikumuwonele bazi. Sikumvitambikile vinyago vao, kwavija mbuli ayo yowahonza.

Yoshua 10:8

Mndewa Imulungu kamulongela Yoshua “Sikuuwadumbe hewo kwavija niye niwagela mmakono gako, kuduhu munhu yonda yakuhume.”

Yoshua 11:5

Avo iwandewa awo waiting'hana na iwakalizi wao wose, wachola kwika ng'hambi yao ako kuna gamazi ga Melomu ili waitowe na Waizilaeli.

Yoshua 11:7

Avo Yoshua na iwakalizi zake wawezila kwa kuwasinhukiza ako kuna gamazi ga Melomu na kuwavamila.

Yoshua 11:9

Yoshua kawatendela kamba Mndewa Imulungu viyamulongele. Kawakanha imigiha iwafalasi wao na kaisoma moto imituka yao.

Yoshua 3:5

Yoshua kawalongela iwanhu, “Muihunge kwavija mayo Mndewa Imulungu kotenda unzonza hagati yenu.”

Wasemi 20:28

Finehasi mwanage Eleazali, Eleazali mwanage Haluni, ayo kakala yosang'hana kuulongozi wa disanduku. Waizilaeli wamuuza Mndewa Imulungu, “Vino tuchole kabili tukaitowe na ndugu zetu, iwanhu wa kabila da Benjamini hebu sikutuchole?” Mndewa Imulungu kalonga, “Choleni, mayo nowagela mmakono genu.”

Wasemi 7:9

Kilo acho, Mndewa Imulungu kamulongela Gideoni, “Inuka, genda hasi ukawavamile kuna ing'hambi yao, kwavija niwagela mmakono gako.

1 Samweli 11:9

Wawagwaa usenga waja wagalile uusenga wa ichanduso kulawa Yabeshi Gileadi, “Walongeleni mayo zuwa dahawa hachanha mokuwa mukomboligwa.” Viwapatile usenga wachola kuwalongela wanhu wa Yabeshi Gileadi na hewo wadeng'helela.