Yoshua 11:16 - Biblia Kikutu

¹⁶ Avo Yoshua kaisola isi yose ayo, isi ya kuvigongo va Yuda na bawe jake na isi ya Negebu na isi yose ya Gosheni na isi ya Alaba na isi ya kuvigongo va Izilaeli na bawe jake,

Yoshua 11:16 ပူးပေါင်းရင်းမြစ်များ

Zabuli 105:44

Kawagwaa isi za iwanhu wayagwe, waihazi sang'hano ya iwenekae,

Zabuli 78:55

Kawawinga iwanhu wa isi ziyagwe kuulongozi wao, na kaigola isi yao kamba uhazi, kageka makabila ga Izilaeli mvibanda vao.

Kumbukumbu 1:7

sambi tuleni ng'hambi yenu mugendelele na mwanza. Gendeni kuna ivigongo va isi ya Waamoli na isi ili behi ako Alaba, kuvigongo na kubonde ako Negebu na mwhani. Mugende mbaka mwiisi ya Kanaani na isi ya Lebanoni mbaka ako kuna ulwanda mkulu wa Fulate.

Yoshua 10:40

Avo Yoshua kaisola isi yose, isi ili kuvigongo na isi ya Negebu na kudibawe na kuna imitelemuko. Kawakoma iwandewa wose na hamulekile hata munhu imoja, ila kawalava ili wabanangigwe iwanhu wose kamba viyamulagize Mndewa Imulungu, Imulungu wa Izilaeli.

Yoshua 10:41

Yoshua kawahuma iwanhu wose kulawa Kadeshi Balinea mbaka Gaza na kulawa isi yose ya Gosheni mbaka ako Gibeoni.

Yoshua 11:15

Kamba Mndewa Imulungu viyamulagize Musa msang'hanaji wake na heyo Musa kamulagiza Yoshua na Yoshua katenda gose, na halekile chochose mna igago gose Mndewa Imulungu gayamulagize Musa.

Yoshua 11:2

na kwa iwandewa wakalile kuvigongo va mwambu wa kasikazini, na kwa awo wakalile Alaba ikalile mwambu wa kusini wa Kineleti, na kwa awo wakalile ako kudibawe, na kwa awo wakalile ako Nafati Doli umwambu wa kudihongela zuwa.

Yoshua 11:21

Kipindi acho Yoshua kachola kuwakoma Waanaki wakalile okala ako kuna iisi ya kuvigongo, kulawa Hebuloni na Debili na Anabu na isi yose ya kuvigongo va Yuda na isi yose ya kuvigongo va Izilaeli. Yoshua kagananga mabuga gao gose na kawakoma wose.

Yoshua 12:8

Isi ili kuvigongo na kudibawe na isi ya Alaba na kumtelemuko na kuluwala na isi ya Negebu, isi ikalile ya Wahiti na Waamoli na Wakanaani na Wapelizi na Wahivi na Wayebusi.

Yoshua 9:1

Iwandewa wose wakalile umwambu wa lwanda lwa Yolidani, mna iisi ya vigongo na kudibawe na isi yose ili behi na ibahali ing'hulu kulongozela Lebanoni, Wahiti na Waamoli na Wakanaani na Wapelizi na Wahivi na Wayebusi viwahulike mbuli ayo,