Yoshua 11:15 - Biblia Kikutu

¹⁵ Kamba Mndewa Imulungu viyamulagize Musa msang'hanaji wake na heyo Musa kamulagiza Yoshua na Yoshua katenda gose, na halekile chochose mna igago gose Mndewa Imulungu gayamulagize Musa.

Yoshua 11:15 ပူးပေါင်းရင်းမြစ်များ

Kupetigwa 33:50

Kulawa kuko kudibawe da Moabu, behi na lwanda lwa Yolidani uilola na buga da Yeliko dikalile umwambu wa ulwanda, Mndewa Imulungu kamulongela Musa,

Kupetigwa 33:52

wawingeni wenekae wose wa isi ayo. Mugakindule mabwe gao gose na iminyago yao ya zuma na muhabomole kila hanhu hao ha kutambikila.

Matayo 23:23

“Mogaya mweye wafundiza Malagizo na Mafalisayo, mweye mwa watapitapi! Momgwaa Imulungu fungu da longo da majani gonung'hila goya, binzali na kalafuu, lakini moleka kugagoga mafundizo makulu Gamalagizo, kamba vija haki, bazi na kutamanila. Molondigwa kugatenda gano na sikumugaleke gaja gayagwe.

Luka 11:42

“Mogaya mweye Mafalisayo! Kwavija momgwaa Imulungu fungu da longo da majani gonung'hila goya kamba vija binzali na kalafuu, na mboga ziyagwe, lakini moleka kutenda ganogile kwa wanhu na kumnogela Imulungu. Molondigwa kutenda gano na sikumugaleke gago gayagwe.

Sang'hano 20:20

Mujuwa silekile kuwapetela kunzekunze mzikae zenu na kuwafundiza chochose chonda kiwataze.

Sang'hano 20:27

Kwavija silekile bule kuwapetela gose goyolonda Imulungu.

Kumbukumbu 12:32

“Sang'haneni kila kinhu kamba viniwalagize, sikumongeze kinhu hebu kuhunguza kinhu.

Kumbukumbu 31:3

Mndewa Imulungu, Imulungu wenu, kowalongolela na kowakoma iwanhu wa isi zili kuko, ili muisole isi yao, na Yoshua kokuwa kilongozi wenu kamba viyalongile Mndewa Imulungu.

Kumbukumbu 31:5

Mndewa Imulungu kowatenda muwahume na mweye muwatendele kamba viniwalagize.

Kumbukumbu 31:7

Abaho Musa kamkema Yoshua, kamulongela mgameso ga iwanhu wose wa Izilaeli, “Ugangamale na uwe galu, kwavija gweye kowalongoza iwanhu mwiisi iyaiduwile Mndewa Imulungu kwa iwahenga wao kuwagwaa hewo, na gweye uwatende waisole.

Kumbukumbu 4:2

Sikumwengeze kinhu chochose hebu kusegesa kinhu chochose mna gamalagizo goniwagwelela, lakini gagogeni malagizo ga Mndewa Imulungu, Imulungu wenu, gano goniwagwelela.

Kumbukumbu 4:5

“Loleni, niwafunza malagizo na mafundizo kamba Mndewa Imulungu, Imulungu wangu viyanilagize nitende, ili mugakweleleze ako kuna iisi yumuchola kuisola.

Kumbukumbu 7:2

Vivija Mndewa Imulungu, Imulungu wenu, vonda yawagele mmakono genu na mowahuma iwanhu awo avo muwakome wose, sikumutende lagano na hewo na sikumuwonele bazi.

Yoshua 1:7

Gweye kolondigwa ugangamale na uwe galu ng'hani, na uiteganye na ugagoge malagizo gose gayakulagize msang'hanaji wangu Musa. Sikuugaleke na kuhinduka ukudila hebu ukumoso, ili umwede kokose konda uchole.

Yoshua 11:12

Vivija kagasola mabuga gose gayagwe na iwandewa wao kawagoga na kawakoma kwa sime. Kagabananga gose, kamba Musa imsang'hanaji wa Mndewa Imulungu viyamulagize.

Yoshua 11:14

Waizilaeli wasola vinhu vose vikalile mna gamabuga gago na zifugo, lakini wawakoma iwenekae wose kwa sime, na hawamulekile hata munhu.

Yoshua 11:16

Avo Yoshua kaisola isi yose ayo, isi ya kuvigongo va Yuda na bawe jake na isi ya Negebu na isi yose ya Gosheni na isi ya Alaba na isi ya kuvigongo va Izilaeli na bawe jake,

1 Samweli 15:11

“Nokona usungu habali nimtenda Sauli yawe mndewa. Kaleka kuniwinza niye na kusang'hana malagizo gangu.” Samweli kasikitika na kumulilila Mndewa Imulungu kilo chose.