Yoshua 10:5 - Biblia Kikutu

⁵ Abaho awo iwandewa watano wa Waamoli, mndewa wa Yelusalemu na mndewa wa Hebuloni na mndewa wa Yalimuti na mndewa wa Lakishi na mndewa wa Eguloni wailumba hamoja na iwakalizi zao, abaho wachola Gibeoni, weka ng'hambi kudizunguluka dibuga na kudivamila.

Yoshua 10:5 ပူးပေါင်းရင်းမြစ်များ

Mwanduso 15:16

Vizukulu vako vilembwe vobwela hano, kwavija nzambi za Waamoli zing'hali hazinavikila kuwa nyingi avo niwataguse.”

Kupetigwa 13:29

Waamaleki okala ako Negebu, Wahiti na Wayebusi na Waamoli okala kuvigongo, na Wakanaani okala behi na bahali ya Meditelania na behi ya lwanda lwa Yolidani.”

Yoshua 10:16

Awo iwandewa watano wakimbila na waifisa ako kuna imhango ako Makeda.

Yoshua 10:6

Iwanhu kulawa Gibeoni wamgalila usenga Yoshua ako Giligali kuna ing'hambi, wamulongela, “Sikuutuleke siye wasang'hanaji wako, wize himahima utuhonye na ututaze, kwavija iwandewa wose wa Waamoli iwokala mwiisi ya kuvigongo waiting'hana watutowe siye.”

1 Samweli 7:14

Gaja gamabuga ga Izilaeli, Wafilisiti wakalile wagasolile, gabwezigwa kwa Waizilaeli, kulawa buga da Ekiloni mbaka buga da Gati na Waizilaeli waigombola isi yao yose. Avo kukala na tindiwalo hagati ya Waizilaeli na Waamoli.