Yoshua 10:36 - Biblia Kikutu

³⁶ Abaho Yoshua na Waizilaeli wose wasegela ako Eguloni wachola Hebuloni, na wadivamila buga dijo,

Yoshua 10:36 ပူးပေါင်းရင်းမြစ်များ

Mwanduso 13:18

Avo Abulamu kahama kuing'hambi yake, kachola kukala behi na mibiki mikulu ya Mamule ako Hebuloni, na ako kamzengela Mndewa Imulungu upango wa kulavila nhosa.

Kupetigwa 13:22

Wachola mbaka Negebu na wabita mbaka buga da Hebuloni. Amo wawavika Waahimani na Washeshai na Watalimai, ulelo wa Anaki. Buga da Hebuloni dikala dilongole kuzengwa kwa miyaka saba ding'hali hadinazengwa buga da Soani dili ako Misili.

Yoshua 10:3

Avo, Adoni Sedeki imndewa wa Yelusalemu, kagala usenga kwa Hohamu mndewa wa Hebuloni na Pilamu mndewa wa Yalimuti na Yafia mndewa wa Lakishi na Debili mndewa wa Eguloni, kawalongela,

Yoshua 10:35

Siku didijo wadisola buga dijo, na wawakoma wanhu wose kamba viwatendile ako Lakishi.

Yoshua 10:37

na wadisola hamoja na ivijiji vake na wamkoma imndewa wake na iwenekae wake wose, hawamulekile hata munhu imoja kamba viwatendile ako Eguloni.

Yoshua 10:5

Abaho awo iwandewa watano wa Waamoli, mndewa wa Yelusalemu na mndewa wa Hebuloni na mndewa wa Yalimuti na mndewa wa Lakishi na mndewa wa Eguloni wailumba hamoja na iwakalizi zao, abaho wachola Gibeoni, weka ng'hambi kudizunguluka dibuga na kudivamila.

Yoshua 15:13

Kamba Mndewa Imulungu viyamulagize Yoshua, kamgwelela Kalebu mwanage Yefune isi mna iwanhu wa kabila da Yuda, kamgwelela Kiliati Aliba vivija yojuwigwa kamba Hebuloni. Ayo Aliba kakala tatake Anaki.

Yoshua 15:54

na Humita na Kiliati Aliba twaga diyagwe dojuwigwa kamba Hebuloni na Sioli. Gose kwa gose gakala mabuga tisa hamoja na ivijiji vake.

Yoshua 21:13

Vivija iwanhu wa ulelo wa Haluni, imulava nhosa, wagweleligwa buga da Hebuloni hamoja na ihanhu ha kudimila fugo, kamba buga da kukimbilila kwa munhu yamkomile miyage bila kulonda, na wagweleligwa buga da Libina hamoja na ihanhu ha kudimila fugo,

Wasemi 1:10

Vivija wawavamila Wakanaani wakalile kudibuga da Hebuloni, ako umwaka buga dijo dikemigwe Kiliati Aliba, wawakoma wanhu wa ulelo wa Sheshai na ulelo wa Ahimani na ulelo wa Talimai.

Wasemi 1:20

Buga da Hebuloni kagweleligwa Kalebu kamba Musa viyalongile. Kalebu kawawinga iwana wadatu wa ulelo wa Anaki.