Yoshua 1:8 - Biblia Kikutu

⁸ Sikuuleke kuzilonga mbuli za kitabu kino cha malagizo, uzigelegeze imisi na ikilo, ili uifunze kutenda gose gandikigwe mumo. Abaho mbuli zako zokucholela goya na komweda.

Yoshua 1:8 ပူးပေါင်းရင်းမြစ်များ

Mwanduso 24:63

Siku dimoja ichungulo, kakala yacholile kumgunda kugelegeza. Viyalolile, kona ngamiya okwiza.

Zabuli 119:11

Mmoyo wangu niika mbuli yako, ili sikunikutende nzambi.

Zabuli 119:15

Noifunza malagizo gako, nogagelegeza goya mafundizo gako.

Zabuli 119:97

Malagizo gako nogalonda ng'hani, nogagelegeza imisi yose.

Zabuli 119:99

Notanga ng'hani kubanza wose wanifunzile, kwavija nozigelegeza amuli zako.

Zabuli 19:14

Leka mbuli za mulomo wangu na magesa ga nzewele zangu, gatogoligwe kuulongozi wako gweye Mndewa Imulungu, dibwe jangu na mkombola wangu!

Zabuli 40:10

Sifisile haki yako mmoyo wangu, nolonga mbuli ya kutamanilwa kwako na ukombola wako. Sifisile unogelo wako hawishaga na kutamaniligwa kwako, kuulongozi wa umting'hano wa iwanhu wengi.

Nongezi 3:1

Mwanangu, sikuugasemwe mafundizo gangu, kwa moyo wako ugagoge malagizo gangu.

Matayo 12:35

Munhu yanogile kolava ganogile mna ingama ya ganogile geli mmwake, na munhu yehile kolava gehile mna ingama ya gehile geli mmwake.

Matayo 28:20

na muwafundize wagoge kila kinhu kiniwalagizeni, na niye nokuwa hamoja na mweye siku zose mbaka kukimambukizo cha isi.”

Matayo 7:21

“Siyo kila munhu yong'hema, ‘Mndewa, Mndewa’ kokwingila mna Undewa wa kuulanga, ila waja waiyeka otenda gaja goyolonda Tatangu yeli kuulanga.

Matayo 7:24

“Munhu yoyose yohulika mbuli zangu na kuzigoga, ayo kaigala na munhu mbala yazengile ng'anda yake mdibwe kulu.

Luka 11:28

Lakini Yesu kamwidika, “Wamweda ng'hani wanhu wose ohulika mbuli ya Imulungu na kuigoga!”

Yohana 13:17

Sambi muujuwa ukweli uno, momweda kamba mwahasang'hana!

Yohana 14:21

“Wanhu wose ogatogola malagizo gangu na kugagoga, wao oninogela. Tatangu kowanogela wose oninogela niye, na niye vivija nowanogela wao na kuilagusa kumwao.”

Waefeso 4:29

Sikumulosoke, lakini mulonge mbuli zinogile, za kuwataza wanhu, ili mbuli zimulonga ziwataze kamba viilondigwa kwa awo ozihulika.

Kumbukumbu 29:8

tuisola isi yao na tuwagwelela isi ayo kamba uhazi wao wanhu wa makabila ga Lubeni na Gadi na nusu ya kabila da Manase.

Kumbukumbu 29:9

Avo zigogeni mbuli zose zilongigwe mdilagano dino na mutende kamba vizilonga ili mumwede mna ikila kinhu kimutenda.

Kumbukumbu 30:14

Aka, imbuli ya behi yenu, ya mmilomo yenu na mmizoyo yenu ili muigoge.

Kumbukumbu 31:11

Waizilaeli wose wahaiting'hane kuulongozi wa Mndewa Imulungu, Imulungu wenu, hanhu aho honda yahasagule, muwasomele malagizo gano iwanhu wose.

Kumbukumbu 31:24

Musa viyamambukize kwandika mbuli za malagizo gago kulawa mwanduso mbaka kuuhelelo,

Kumbukumbu 5:1

Musa kawakema wanhu wose wa Izilaeli na kawalongela, “Mweye wanhu wa Izilaeli, tegelezeni mafundizo na malagizo goniwalongela lelo. Ifunzeni na mugagoge goya.

Kumbukumbu 5:29

Maza wagelegezaga vivo siku zose na kunidumba niye na kugoga malagizo gangu! Wahagendelele vinogile hewo wenyego na ulelo wao siku zose.

Kumbukumbu 5:32

“Avo, muiteganye musang'hane kamba viyawalagize Mndewa Imulungu, Imulungu wenu, gagogeni gose na sikumuleke kinhu chochose.

Wakolosai 3:16

Usenga wa Kilisito umeme mmizoyo yenu. Ifunzeni na muizume kwa nzewele zose. Mwimbe zabuli na nyila za kumtogola na kumtambikila Imulungu. Mwimbileni Imulungu wenu kwa kumgwaa nhogolwa mmizoyo yenu.

Yoshua 1:7

Gweye kolondigwa ugangamale na uwe galu ng'hani, na uiteganye na ugagoge malagizo gose gayakulagize msang'hanaji wangu Musa. Sikuugaleke na kuhinduka ukudila hebu ukumoso, ili umwede kokose konda uchole.

Yoshua 8:34

Abaho Yoshua kawasomela mbuli zose za gamalagizo, mbuli za kutambikila na mbuli za kuduwila kamba viyandikigwe mkitabu cha malagizo.

Ugubulo 22:14

“Wamweda wanhu ofuwa viwalo vao, wadahe kuja tunda da biki da ugima na wengile mna imilango ya buga dijo.