Yoshua 1:7 - Biblia Kikutu

⁷ Gweye kolondigwa ugangamale na uwe galu ng'hani, na uiteganye na ugagoge malagizo gose gayakulagize msang'hanaji wangu Musa. Sikuugaleke na kuhinduka ukudila hebu ukumoso, ili umwede kokose konda uchole.

Yoshua 1:7 ပူးပေါင်းရင်းမြစ်များ

Zabuli 80:19

Gweye Mndewa Imulungu uli na Udahi wose, utubweze na tumwemwesele kihanga chako, ili siye tukomboligwe.

Nongezi 4:27

Sikuuhinduke ukudila hebu ukumoso, usegese mgulu wako kutali na gehile.

Nongezi 8:20

Notembela mwiinzila ya gaja golondigwa na Imulungu, nokweleleza nzila ya haki.

Kupetigwa 27:23

Abaho kamwikila makono na kamgwaa isang'hano kamba viyalagizwe na Mndewa Imulungu.

Kumbukumbu 11:8

“Avo gogeni malagizo gose goniwagwaa lelo, ili mudahe kuwa na nguvu ya kuchola kuisola isi ayo, yumuloka kuisola,

Kumbukumbu 12:32

“Sang'haneni kila kinhu kamba viniwalagize, sikumongeze kinhu hebu kuhunguza kinhu.

Kumbukumbu 28:14

kamba hamuhinduka mna zimbuli ziniwalagiza lelo, na kuchola ukumoso hebu ukudila kuikweleleza imilungu iyagwe na kuisang'hanila.

Kumbukumbu 29:8

tuisola isi yao na tuwagwelela isi ayo kamba uhazi wao wanhu wa makabila ga Lubeni na Gadi na nusu ya kabila da Manase.

Kumbukumbu 29:9

Avo zigogeni mbuli zose zilongigwe mdilagano dino na mutende kamba vizilonga ili mumwede mna ikila kinhu kimutenda.

Kumbukumbu 31:7

Abaho Musa kamkema Yoshua, kamulongela mgameso ga iwanhu wose wa Izilaeli, “Ugangamale na uwe galu, kwavija gweye kowalongoza iwanhu mwiisi iyaiduwile Mndewa Imulungu kwa iwahenga wao kuwagwaa hewo, na gweye uwatende waisole.

Kumbukumbu 4:2

Sikumwengeze kinhu chochose hebu kusegesa kinhu chochose mna gamalagizo goniwagwelela, lakini gagogeni malagizo ga Mndewa Imulungu, Imulungu wenu, gano goniwagwelela.

Kumbukumbu 5:32

“Avo, muiteganye musang'hane kamba viyawalagize Mndewa Imulungu, Imulungu wenu, gagogeni gose na sikumuleke kinhu chochose.

Yoshua 1:1

Viyafile Musa imsang'hanaji wa Mndewa Imulungu, Mndewa Imulungu kamulongela Yoshua mwanage Nuni, mwanahina wa Musa,

Yoshua 1:8

Sikuuleke kuzilonga mbuli za kitabu kino cha malagizo, uzigelegeze imisi na ikilo, ili uifunze kutenda gose gandikigwe mumo. Abaho mbuli zako zokucholela goya na komweda.

Yoshua 1:9

Kumbuka niye nikulagiza, ugangamale na uwe galu, sikuudumbe na sikuunyawenyawe, kwavija Mndewa Imulungu, Imulungu wako kokuwa hamoja na gweye kokose konda uchole.”

Yoshua 11:15

Kamba Mndewa Imulungu viyamulagize Musa msang'hanaji wake na heyo Musa kamulagiza Yoshua na Yoshua katenda gose, na halekile chochose mna igago gose Mndewa Imulungu gayamulagize Musa.

Yoshua 23:6

Avo mugangamale na mugagoge gose gandikigwe mna ikitabu cha malagizo ga Musa, na sikumugaleke.