Yoshua 1:5 - Biblia Kikutu

⁵ Kuduhu munhu yodaha kukuhuma siku zose za ugima wako. Nokuwa hamoja na gweye, kamba vinikalile hamoja na Musa. Sikuleka bule hebu kukusemwa.

Yoshua 1:5 ပူးပေါင်းရင်းမြစ်များ

Mwanduso 39:2

Mndewa Imulungu kakala na Yusufu na kamtenda yamwede, kakala mng'anda ya mkulu ayo Mmisili.

Zabuli 46:11

Mndewa Imulungu yeli na udahi wose kahamoja na siye, Imulungu wa Yakobo ayo ngome yetu.

Kulawa 3:12

Imulungu kamulongela, “Niye nokuwa hamoja na gweye. Vonda uwalave wanhu wa Izilaeli mwiisi ya Misili, monitambikila niye kulugongo luno. Acho chokuwa kilagusa kamba niye nikutuma.”

Matayo 28:20

na muwafundize wagoge kila kinhu kiniwalagizeni, na niye nokuwa hamoja na mweye siku zose mbaka kukimambukizo cha isi.”

Walumi 8:31

Mzimbuli zose zino, tulonge choni, Imulungu yahawa ubanzi wetu, nani yodaha kututenda mbuli yoyose?

Walumi 8:37

Bule, mzimbuli zose zino tuhuma ng'hani kubitila heyo yotunogela siye!

Kumbukumbu 20:1

“Mwahachola kuna ing'hondo kuitowa na iwanhu owehila, na mokona falasi na mituka, na wakalizi wengi kubanza mweye, sikumuwadumbe, kwavija Mndewa Imulungu, Imulungu wenu, yawalavile mwiisi ya Misili kokuwa hamoja na mweye.

Kumbukumbu 20:4

kwavija Mndewa Imulungu, Imulungu wenu ayo yochola hamoja na mweye kuitowa na iwanhu owehila mbuli yenu ili yawatende muhume.’

Kumbukumbu 31:23

Abaho Mndewa Imulungu kamulagiza Yoshua, mwanage Nuni, kamulongela, “Ugangamale na uwe galu, kwavija kowagala Waizilaeli mwiisi iniiduwile kuwagwaa, na niye nokuwa hamoja na gweye.”

Kumbukumbu 4:31

Mndewa Imulungu, Imulungu wenu kamema bazi, honda yawaleke hebu kuwananga hebu kudisemwa lagano diyatendile kwa kuiduwila kwa iwahenga zenu.

Kumbukumbu 7:24

Kowagela mmakono genu iwandewa zao. Mowakoma na hewo osemwigwa, na mowakoma wose na kuduhu munhu yonda yawagomese.

2 Timoseo 4:17

Lakini Mndewa kanhaza na kanigwaa nguvu, niwapetela wanhu usenga wake, ili wanhu haweli Wayahudi wauhulike. Mndewa kanihonya na ifa kamba mudilomo da simba.

Waebulania 13:5

Sikumuzinogele ng'hani sente, lakini mwigute na vija vimulinavo. Kwavija Imulungu kalonga, “Sikusemwa ng'o na sikuleka ng'o.”

Yoshua 1:17

Kamba vija vitumtegeleze Musa mzimbuli zose, vivija tokutegeleza na gweye. Mndewa Imulungu, Imulungu wako yawe hamoja na gweye kamba viyakalile hamoja na Musa!

Yoshua 1:9

Kumbuka niye nikulagiza, ugangamale na uwe galu, sikuudumbe na sikuunyawenyawe, kwavija Mndewa Imulungu, Imulungu wako kokuwa hamoja na gweye kokose konda uchole.”

Yoshua 10:8

Mndewa Imulungu kamulongela Yoshua “Sikuuwadumbe hewo kwavija niye niwagela mmakono gako, kuduhu munhu yonda yakuhume.”

Yoshua 21:44

Mndewa Imulungu kawagwaa tindiwalo kila hanhu kamba viyaiduwile kwa iwahenga zao. Kuduhu imunhu yawehile yadahile kuwahuma, kwavija Mndewa Imulungu kawagela mmakono gao iwanhu wose wawehile.

Yoshua 3:7

Abaho Mndewa Imulungu kamulongela Yoshua, “Lelo nosonga kukwinula mgameso ga Waizilaeli ili wajuwe kamba nokuwa hamoja na gweye kamba vinikalile hamoja na Musa.

Yoshua 6:27

Avo Mndewa Imulungu kakala hamoja na Yoshua, na wanhu wose wakalile mziisi azo wamjuwa.

Wasemi 2:18

Mndewa Imulungu yahawagalilaga wanhu imsemi, heyo mwenyego kakala hamoja na msemi ayo, kawahonya na wanhu owehila siku zose za ugima wa ayo imsemi. Mndewa Imulungu kawonelaga bazi kwavija wamulilila mbuli ya magazo gao na kudununzwa.

Wasemi 6:16

Mndewa Imulungu kamulongela, “Nokuwa hamoja na gweye, na gweye kowabananga Wamidiani kamba vija munhu imoja.”

1 Samweli 10:7

Avo vahakulawilila vinhu avo, chochose chuulonda kutenda, kitende kwavija Imulungu kahamoja na gweye.