Yohana 9:4 - Biblia Kikutu

⁴ Kwavija ing'hali imisi, tolondigwa tusang'hane sang'hano ya ija yanhumile. Ikilo yovika, baho kuduhu munhu yodaha kusang'hana.

Yohana 9:4 ပူးပေါင်းရင်းမြစ်များ

Matayo 20:7

Wanhu waja wamwidika, ‘Kwavija kuduhu munhu yatugwelele sang'hano.’ Kawalongela, ‘Na mweye vivija mkasang'hane kumgunda wangu wa mizabibu!’

Maluko 3:3

Yesu kamulongela munhu ayo yaholole mkono, “Ima hano kuulongozi.”

Yohana 10:32

Yesu kawalongela, “Nhenda mbuli nyingi zinogile mgameso genu zija ziyanigwelele Tata nhende, kwa mbuli gani molonda kunhowa mabwe?”

Yohana 10:37

Kamba sitenda gaja goyolonda Tatangu nhende, sikumunhogole.

Yohana 12:35

Yesu kawedika, “Mulenge okala na mweye kwa kipindi kidodo. Gendeleleni na mwanza kung'hali na mulenge ili ziza sikudiwezile, kwavija munhu yotembela mdiziza hajuwa kuja kuyochola.

Yohana 17:4

Niulagusa ukulu wako mwiisi, niimambukiza sang'hano yuunigwelele niisang'hane.

Yohana 4:34

Yesu kawalongela, “Ujaji wangu, ni kutenda goyolonda ija yanhumile na kuimambukiza sang'hano iyanigwelele.

Yohana 5:19

Yesu kawedika, “Nowalongeleni ukweli, Mwana hatenda mbuli yoyose heyo mwenyego, kotenda gaja goyomona Tatake kotenda. Gaja goyotenda Tata, Mwana nayo kotenda.

Yohana 5:36

Lakini niye mwenyego ninao usindila mkulu kubanza wa Yohana, kija kinhenda acho kiyanigwelele Tatangu nikitende, gano gose golagusa kamba Tata ayo yanhumile.

Yohana 7:33

Yesu kalonga, “Nokala na mweye kipindi kidodo, na abaho nochola kumwake ija yanhumile.

Sang'hano 4:20

Kwavija hatudaha kuleka kulonga kija kituwone na tukihulike siye wenyego.”

Wagalatia 6:10

Avo twahawa tung'hali tuna kipindi, tuwatendele ganogile wanhu wose, ng'hani ng'hani waetu wamtogole Mndewa.

Waefeso 5:16

Kisang'hanileni goya kipindi kino kimulinacho, kwavija siku zino ziha.

Wakolosai 4:5

Mwahakala na wanhu hawamtogole Yesu, muwe na nzewele, muisang'hanile goya kila nyafasi muli nayo.