Yohana 8:41 - Biblia Kikutu

⁴¹ Motenda kiyatendile tata yenu.” Wamwidika, “Imulungu yaiyeka ayo Tata itwilinayo hatuli wana wa kuvikila, siye twa wanage too.”

Yohana 8:41 ပူးပေါင်းရင်းမြစ်များ

Kulawa 4:22

Abaho gweye komulongela Falao, Mndewa Imulungu kalonga vino, ‘Wanhu wa Izilaeli kamba mwanangu chaudele wa kimbigalo.

Yohana 8:38

Nowalongela kija kiyanilagusile Tatangu, lakini mweye motenda kija kimulongeligwe na tata yenu.”

Yohana 8:44

Mweye mwa wana wa tataenu, Mwenembago, na mweye molonda kukweleleza kusulukila kwa tataenu. Kusongela mwaka kakala mkomaji na hemile muna ikweli, kwavija mduhu kweli mgati mmwake. Yahalonga uvizi, kolagusa viyali, kwavija heyo ni mvizi na tata wa uvizi.

Kumbukumbu 14:1

“Mweye mwa wana wa Mndewa Imulungu, Imulungu wenu, avo sikumuichanje hebu kubea mapala genu mbuli ya kumulilila munhu yafile.

Kumbukumbu 32:6

Vino habali momuliha Mndewa Imulungu kamba avo, mweye wanhu wabozi na mulibule nzewele? Vino heyo siyo tataenu yawalumbile, kawatenda na kuwasimika?

1 Yohana 3:12

Sikumuigale na Kaini, yalongozigwe na ija Imdumuka, na kamkoma ndugu yake Habili. Vino habali kamkoma? Kwavija gaja gayakalile yosang'hana geha, lakini gaja gayasang'hane ndugu yake gakala ganogile mgameso ga Imulungu.