Yohana 7:4 - Biblia Kikutu

⁴ Kuduhu munhu yofisa kija kiyotenda kamba yahalonda wanhu wamjuwe goya. Kwavija gweye kotenda mbuli zino, leka wanhu wose wa mwiisi wakujuwe.”

Yohana 7:4 ပူးပေါင်းရင်းမြစ်များ

Matayo 23:5

Gose gowotenda, otenda ili wakoneke na wanhu. Kwavija ovala vikumbi vandikigwe Maandiko Gang'alile mna ivihanga vao na ofunga mna gamakono gao, na ovala viwalo vili na vinhu vitali oneke kamba wailava kwa Imulungu.

Matayo 4:6

Abaho kamulongela Yesu, “Kamba kweli gweye kwa Mwana wa Imulungu, ilagaze mwenyego hasi, kwavija Maandiko Gang'alile golonga, ‘Imulungu kowalagiza wasenga zake wa kuulanga mbuli ya gweye, nao okusola mmakono gao, sikuuilumize magulu gako mgamabwe.’ ”

Matayo 6:16

“Mwahafunga kuja, sikumuwe kamba watapitapi, awo ovitenda vihanga vao vigele bazi ili wakoneke kamba wafunga kuja. Nowalongeleni ukweli, awo wabokela mwaka nhunza yao yose.

Matayo 6:5

“Mwahampula Imulungu, sikumuigale na watapitapi! Kwavija awo wanogelwa kwima na kumpula Imulungu mna zing'anda za ukupula na mna zinzila mhanda, ili wanhu wawalole. Nowalongeleni ukweli, awo wabokela mwaka nhunza yao yose.

Luka 6:45

Munhu yanogile kolava ganogile mwiingama yake inogile ili muumoyo wake, lakini munhu yehile kolava gehile mwiingama yake ihile ili muumoyo wake. Kwavija munhu kolonga gaja gamemile muumoyo wake.

Yohana 18:20

Yesu kamwidika, “Siku zose nonga kunze kunze na kila munhu. Mafundizo gangu gose nifundiza mna izing'anda za kumpula Imulungu na Mng'anda ya Imulungu, mumo Wayahudi wose mooiting'hana. Silongile chochose kwa kinyelegezi.

Yohana 7:3

avo ndugu zake Yesu wamulongela, “Segela hanhu hano uchole isi ya Yudea, ili wanhu zako okukweleleza wazone mbuli ziutenda.

Yohana 7:5

Yesu hatogoligwe hata na ndugu zake.