Yohana 7:28 - Biblia Kikutu

²⁸ Yesu viyakalile kofundiza Mng'anda ya Imulungu, kalonga kwa sauti ng'hulu, “Vino mweye munjuwa goya niye na mukujuwa kuja kundawa? Sizile kwa udahi wangu mwenyego, heyo yanhumile, ni mkweli. Mweye hamumjuwile,

Yohana 7:28 ပူးပေါင်းရင်းမြစ်များ

Zabuli 9:10

Wose odijuwa twaga jako okutamanila, kwavija gweye Mndewa Imulungu huwasemwile bule wose okwizila.

Matayo 11:27

“Tatangu kanigwaa vinhu vose. Kuduhu munhu yamjuwile Mwana ila Tata yaiyeka, na kuduhu munhu yamjuwile Tata, ila Mwana yaiyeka na waja Mwana yawasagule kuwagubulila wamjuwe Tata.

Matayo 2:23

Kahamila kudibuga da Nazaleti keka ukazi wake kuko. Avo kilawilile kija kiwalongile watula ndagu wa Imulungu, “Kokemigwa Mnazaleti.”

Matayo 26:55

Abaho Yesu kalulongela ulunhu, “Mwiza kungoga na mapanga na malungu kamba vija nambavi? Kipindi chose ng'hala nifundiza Mng'anda ya Imulungu, lakini hamngogile bule.

Luka 10:22

“Tatangu kanigwaa vinhu vose. Kuduhu munhu yamjuwile Mwana ila Tata yaiyeka, na kuduhu munhu yamjuwile Tata ila Mwana na waja wose Mwana yawasagule kuwagubulila wamjuwe Tata.”

Luka 2:11

Lelo kudibuga da Daudi, Mkombola wenu kavumbuka, ayo Kilisito Mndewa!

Luka 2:39

Yusufu na Malia viwamambukize kugatenda gaja gose galondeke na Malagizo ga Mndewa, wabwela kudibuga jao da Nazaleti mwiisi ya Galilaya.

Luka 2:4

Yusufu kasegela kudibuga da Nazaleti mwiisi ya Galilaya, kachola kudibuga da Beselehemu mwiisi ya Yudea, hanhu hayavumbuke mndewa Daudi. Yusufu kachola kuko kwavija kolawa mulukolo lwa Daudi.

Luka 2:51

Abaho Yesu kachola nao Nazaleti, ako kakala kowategeleza. Mamake kazika muumoyo mbuli zino zose.

Yohana 1:46

Nasanaeli kamuuza, “Vino mbuli yoyose inogile yodaha kulawa kudibuga da Nazaleti?” Filipo kamwidika, “Izo ulole.”

Yohana 10:36

Kamba viili kumwangu, Tata kanisagula na kanhuma mwiisi. Yokuwaze kabili mweye molonga nomkudula kwavija nonga niye na Mwana wa Imulungu?

Yohana 12:49

Kwavija silongile kwa udahi wangu, lakini Tata yanhumile kanilagiza vinondeka kulonga.

Yohana 14:10

Filipo, vino gweye hutogola kamba nokala mgati mwa Tata na Tata kokala mgati mmwangu? Mbuli ziniwasimulileni hazilawa kumwangu. Tata, yokala mgati mmwangu kosang'hana mwenyego.

Yohana 14:31

lakini wanhu wa mwiisi olondigwa wajuwe kamba nomnogela Tata, lekaavo notenda kila kinhu kamba viyonilagiza. “Inukeni, tusegele.

Yohana 16:3

Wanhu owatendela gano gose kwavija hawamjuwile Tata hebu niye.

Yohana 17:25

Tata Unogile, wanhu wa mwiisi hawakujuwile, lakini niye nikujuwa, na wano ojuwa kamba kunhuma.

Yohana 17:3

Uno awo ugima wa milele, wanhu wakujuwe gweye Imulungu uliwiiyeka wa ukweli, na wamjuwe Yesu Kilisito yuumtumile.

Yohana 3:2

Siku dimoja ikilo kamcholela Yesu na kamulongela, “Labi, tojuwa gweye kwa mfundiza kutumigwa na Imulungu. Kwavija kuduhu munhu yodaha kutenda unzonza kamba viutenda gweye kamba Imulungu hali hamoja nayo.”

Yohana 3:33

Lakini munhu yoyose yozitogola mbuli zake kosindila kamba Imulungu kolonga ukweli.

Yohana 5:32

Lakini kabaho imoja yosindila mbuli ya niye, na niye nojuwa gaja goyolonga gaukweli.

Yohana 5:43

Niza kwa twaga da Tatangu, lakini hamunibokele, ila munhu iyagwe yaheza kwa twaga jake mwenyego, mombokela.

Yohana 6:42

Avo walonga, “Vino ino siyo Yesu mwanage Yusufu? Tumjuwa tatake na mamake. Yokuwaze kabili kolonga kahumuluka kuulanga?”

Yohana 7:14

Nyimwilinyimwili viikalile hagatigati, Yesu kengila Mng'anda ya Imulungu kasonga kufundiza.

Yohana 8:14

Yesu kawedika, “Aka, hata kamba nahaisindila mwenyego, gaja gonilonga gaukweli kwavija nikujuwa kundawile na kuja kunichola. Mweye hamukujuwile kuja kundawile hebu kuja kunichola.

Yohana 8:16

Lakini hata nahatagusa, notagusa goya kwavija sili niiyeka bule, niye na hamoja na Tata yanhumile.

Yohana 8:19

Wamuuza, “Tatako kakwahi?” Yesu kawedika, “Hamnijuwile niye hebu Tatangu. Maza munijuwile niye, vivija mwahamjuwile Tatangu.”

Yohana 8:26

Ninazo mbuli nyingi za kulonga kumwenu, nyingi za kuwatagusa. Hata ivo ija yanhumile ni mkweli, na niye nowalongela wanhu wa mwiisi kija kimhulike kumwake.”

Yohana 8:42

Yesu kawalongela, “Maza Imulungu yakalile Tata yenu, mwahaninogele, kwavija niza kulawa kwa Imulungu na sambi nabahano. Sizile kwa udahi wangu mwenyego, lakini kanhuma.

Yohana 9:29

Tojuwa kamba Imulungu kalonga na Musa, lakini kwa munhu ayo, hatujuwile kolawa kwahi!”

Sang'hano 17:23

Kwavija vinikalile notembela mwiisi yenu ndola kila hanhu homutambikila, nyona upango wa kulavila nhosa umoja wandikigwa, ‘Kwa Imulungu hajuwike.’ Avo ayo imumtambikila bila kumjuwa ayo iniwapeteleni sambi.

Walumi 1:28

Kwavija wanhu awo walema kumjuwa Imulungu kwa nzewele zao, Imulungu nayo kawaleka wakweleleze nzewele zao zihile, nao wasang'hana mbuli zigomesigwe kusang'hanwa.

Walumi 3:4

Bule, Imulungu kolonga ukweli, hata kamba kila munhu koviza. Kamba Maandiko Gang'alile vigalonga mbuli ya Imulungu, “Wahalonga kolagusa ukweli, wahatagusa gweye kohuma.”

2 Wakolinto 1:18

Kamba Imulungu viyolonga ukweli, usenga wetu kumwenu siyo kulonga, “Ona” na “Bule.”

2 Wakolinto 4:6

Imulungu yalongile, “Mulenge umwemwese kulawa mdiziza!” Ayo yatendile mulenge wake umwemwese mmizoyo yetu, katugwelela mulenge wa nzewele za ukulu wa Imulungu mkihanga cha Yesu Kilisito.

Tito 1:2

Ukweli uno wa mditamanilo da ugima wa milele. Imulungu yoleka kuviza, katulongela kotugwaa ugima uno, isi ing'hali hainalumbigwa,

Waebulania 6:18

Avo kuna vinhu vibili, kulonga na kuiduwila, havigaluka bule na mbuli azo Imulungu hadaha kulonga uvizi. Avo siye tukimbilile kukala goya kwa Imulungu togeligwa moyo tugangamale kudigoga tamanilo dikigwe haulongozi wetu.

1 Yohana 5:10

Munhu yoyose yomtogola Mwana wa Imulungu kanao usindila awo mgati yake, lakini munhu yoleka kumtogola Imulungu kamtenda mvizi, kwavija hautogole usindila uyalongile Imulungu mbuli ya Mwanage.

1 Samweli 2:12

Avo wana wa kimbigalo wa Eli wakala wanhu wehile hawamdumbile Mndewa Imulungu.