Yohana 7:23 - Biblia Kikutu

²³ Kamba mwana kokwingizigwa kumbi mna isiku ya Kubwihila ili sikumubene Malagizo ga Musa, habali monigevuzikila kwavija nimuhonya munhu mna isiku ya Kubwihila?

Yohana 7:23 ပူးပေါင်းရင်းမြစ်များ

Kulawa 31:14

Molondigwa muideng'helele siku ya kubwihila, kwavija siku ayo ing'ala kumwenu. Munhu yoyose yoleka kuigoga siku ayo yakomigwe. Na munhu yoyose yonda yasang'hane siku dijo kobaguligwa na wanhu zake.

Matayo 12:10

Ako kukala na munhu yakalile na mkono uholole. Wanhu wayagwe wakalile aho walonda kilamuso cha kumtagusila, avo wamuuza Yesu, “Vino Malagizo getu gogomesa kumuhonya munhu mwiisiku ya Kubwihila?”

Matayo 12:2

Mafalisayo viwonile avo, wamulongela Yesu, “Lola, wanahina zako otenda kinhu kigomesigwe kutendigwa mwiisiku ya Kubwihila!”

Matayo 12:5

Vino hamusomile mna Gamalagizo ga Musa, kila siku ya Kubwihila walava nhosa obena lagizo da siku ya Kubwihila mna Ing'anda ya Imulungu, na hawakoneka kamba wabananga?

Yohana 5:10

avo wakulu wa Wayahudi wamulongela munhu ija yahonyigwe, “Lelo ni siku ya Kubwihila, Malagizo getu gogomesa gweye sikuupape mkeka wako.”

Yohana 7:21

Yesu kawedika, “Nhenda unzonza umoja, mweye mose mukanganya.

Yohana 9:16

Mafalisayo wayagwe walonga, “Munhu yatendile mbuli ino halawa kwa Imulungu bule, kwavija hadigoga lagizo da siku ya Kubwihila.” Lakini wayagwe walonga, “Vino munhu yotenda nzambi kodahaze kutenda unzonza kamba uno?” Avo, wakala waigolile.