Yohana 7:12 - Biblia Kikutu

¹² Hakala na minong'ono hana ulunhu mbuli ya Yesu. Wanhu wayagwe walonga, “Kanoga,” lakini wayagwe walonga, “Bule, kokwagiza wanhu.”

Yohana 7:12 ပူးပေါင်းရင်းမြစ်များ

Matayo 10:25

Vimnogela mwanahina kuigala na mfundiza wake na mtumwa kuigala na mndewa wake. Kamba mkulu wa ng'anda kakemigwa Belizebuli, vino wanhu wa ng'anda yake honda wakemigwe matwaga gehile ng'hani?”

Matayo 21:46

Avo wazahila nzila ya kumgogela, lakini waludumba lunhu lwa wanhu, kwavija wamtogola Yesu kakala mtula ndagu wa Imulungu.

Matayo 27:63

Wamulongela, “Go mkulu, tomkumbuka, munhu ija cha uvizi viyakalile mgima kalonga, ‘Zahavika siku ndatu nozilibuka.’

Luka 18:19

Yesu kamuuza, “Habali kong'hema, ‘unogile’? Kuduhu yanogile, ila Imulungu yaiyeka.

Luka 23:47

Mkulu wa wakalizi wa Lumi viyagone gago galawilile, kamgwaa nhogolwa Imulungu, kalonga, “Munhu ino kweli kakala yanogile!”

Luka 23:50

Kukala na munhu imoja twaga jake Yusufu, munhu wa Mkitala, kakala munhu yanogile na kutenda goyolonda Imulungu.

Luka 6:45

Munhu yanogile kolava ganogile mwiingama yake inogile ili muumoyo wake, lakini munhu yehile kolava gehile mwiingama yake ihile ili muumoyo wake. Kwavija munhu kolonga gaja gamemile muumoyo wake.

Luka 7:16

Wanhu wose wengila bwembwe na wamtogola Imulungu. Walonga, “Mtula ndagu mkulu wa Imulungu katulawilila hamwetu! Imulungu keza kuwakombola wanhu zake!”

Yohana 6:14

Viwauwonile unzonza uno yautendile Yesu, wanhu walonga, “Kweli ino ayo mtula ndagu wa Imulungu yalondeke kwiza mwiisi!”

Yohana 7:32

Mafalisayo waluhulika lunhu lonyong'onya mbuli ya Yesu, avo wao na iwakulu wa walava nhosa wawatuma wakalizi wamgoge.

Yohana 7:47

Mafalisayo wawauza, “Vino na mweye vivija muviziligwa?”

Yohana 7:52

Wamwidika, “Vino na gweye vivija kolawa mwiisi ya Galilaya? Gasome Maandiko Gang'alile na koifunza, kuduhu mtula ndagu wa Imulungu yalawile mwiisi ya Galilaya.”

Yohana 9:16

Mafalisayo wayagwe walonga, “Munhu yatendile mbuli ino halawa kwa Imulungu bule, kwavija hadigoga lagizo da siku ya Kubwihila.” Lakini wayagwe walonga, “Vino munhu yotenda nzambi kodahaze kutenda unzonza kamba uno?” Avo, wakala waigolile.

Sang'hano 11:24

Balinaba kakala munhu yanogile, kamema Loho Yang'alile na kutamanila, na wanhu wengi wambwelela Mndewa.

Walumi 5:7

Vidala ng'hani kwa munhu kufa mbuli ya munhu yanogile mgameso ga Imulungu. Sengine munhu kodaha kugeza kufa mbuli ya munhu yanogile ng'hani.

Wafilipi 2:14

Tendeni kila kinhu bila kuiyalala hebu kuibamilila,