Yohana 6:53 - Biblia Kikutu

⁵³ Yesu kawalongela, “Nowalongeleni ukweli, kamba hamuluja lukuli lwa Mwana wa Munhu na kuing'wa damu yake, honda muwe na ugima mgati mmwenu.

Yohana 6:53 ပူးပေါင်းရင်းမြစ်များ

Matayo 18:3

kalonga, “Nowalongeleni ukweli, kamba mwahaleka kugaluka na kuigala na mwana mdodo, hamkwingila ng'o Muundewa wa kuulanga.

Matayo 5:18

Nowalongela ukweli, mbaka ulanga na isi vosegela, haduhu hata mbuli ndodo ng'hani yonda isegesigwe mna Gamalagizo mbaka gose galongigwe gavikizwe.

Matayo 8:20

Yesu kamwidika, “Vizongo wana mhango na ndege wana mvulu, lakini Mwana wa Munhu kabule hanhu ha kubwihila.”

Luka 13:3

Bule! Nowalongela kweli, na mweye vivija mwahalema kuleka nzambi zenu, mose mofa kamba awo.

Luka 13:5

Bule! Nowalongela, mwahalema kuleka nzambi, mose mofa kamba awo.”

Yohana 13:8

Petulo kalonga, “Aka, gweye hunisunha magulu gangu hata siku dimoja!” Yesu kamwidika, “Kamba sikusunha magulu gako, honda uwe mwanahina wangu bule.”

Yohana 15:4

Kaleni mgati mmwangu, na niye nokala mgati mmwenu. Tambi hadidaha kulela matunda denyego mbaka dikale mdibiki. Vivo ili kumwenu mweye, hamudaha kulela matunda mbaka mukale mmwangu.

Yohana 3:3

Yesu kamwidika, “Nokulongela ukweli, kuduhu munhu yodaha kuwona Undewa wa Imulungu bila kuleligwa mwanza wa kabili.”

Yohana 3:36

Munhu yoyose yomtogola Mwana kana ugima wa milele, na munhu yoyose yomulema Mwana kabule ugima, lakini kosigala mwiinhaguso ya Imulungu.

Yohana 3:5

Yesu kamwidika, “Nokulongela ukweli, kuduhu munhu yodaha kwingila Muundewa wa Imulungu bila kuleligwa kwa mazi na kwa Loho Yang'alile.

Yohana 6:47

Nowalongeleni ukweli, heyo yotogola kanao ugima wa milele.

Yohana 6:51

Niye ayo ndiya igala ugima ihumuluke kuulanga. Munhu yoyose yoija ndiya ino, kokuwa mgima siku zose. Ndiya yonda nimgwee munhu ayo awo lukuli lwangu, awo uniwagwelela wanhu wa mwiisi ili wawe wagima.”

Yohana 6:55

Kwavija lukuli lwangu ayo ndiya ya kweli, na damu yangu acho king'waji cha kweli.

Yohana 6:62

Vino yokuwaze, mwahamona Mwana wa Munhu kobwela uchanha kuja kuyakalile ichanduso?

1 Yohana 5:12

Munhu yoyose yeli na Mwana wa Imulungu kanao ugima awo, munhu yelibule Mwana wa Imulungu kabule ugima awo.

Ugubulo 2:17

“Munhu yeli na magwiti, yategeleze gaja goyolonga Loho wa Imulungu kwa vibumbila va wanhu wamtogole Yesu! “Wanhu onda wahume nowagwaa ndiya ifisigwe ikemigwa mana. Vivija nomgwaa kila munhu dibwe zelu jandikigwe twaga da sambi hadijuwigwe na munhu yoyose ila ayo yadibokele.

Ugubulo 2:7

“Munhu yeli na magwiti, yategeleze gaja goyolonga Loho wa Imulungu kwa vibumbila va wanhu wamtogole Yesu! “Munhu yonda yahume nomuleka yaje matunda ga biki da ugima dili mkihati cha Imulungu.