Yohana 6:14 - Biblia Kikutu

¹⁴ Viwauwonile unzonza uno yautendile Yesu, wanhu walonga, “Kweli ino ayo mtula ndagu wa Imulungu yalondeke kwiza mwiisi!”

Yohana 6:14 ပူးပေါင်းရင်းမြစ်များ

Mwanduso 49:10

Mkongoja wa ukulu honda usegele mmakono ga Yuda, na mkongoja wa utawala honda usegele muulelo wake mbaka vonda yeze ija mwenyego heyo makabila gose gomtegeleza.

Matayo 11:3

Wamuuza Yesu, “Vino gweye heyo ija iyalongile Yohana kokwiza, hebu tumbete iyagwe?”

Matayo 21:11

Lunhu lwa wanhu lwidika, “Ino ayo Yesu, mtula ndagu wa Imulungu kolawa Nazaleti mwiisi ya Galilaya.”

Luka 24:19

Kawauza, “Mbuli gani?” Nao wamwidika, “Mbuli zimulawilile Yesu wa Nazaleti, munhu ayo kakala mtula ndagu wa Imulungu na kakala yokoneka mgameso ga Imulungu na wanhu wose kamba kana udahi kwa kila kinhu kiyalongile na kiyatendile.

Luka 7:16

Wanhu wose wengila bwembwe na wamtogola Imulungu. Walonga, “Mtula ndagu mkulu wa Imulungu katulawilila hamwetu! Imulungu keza kuwakombola wanhu zake!”

Yohana 1:21

Wamuuza, “Gweye kwa nani? Kwa Eliya?” Yohana kawedika, “Ka, sili Eliya bule.” Wamuuza, “Gweye kwa mtula ndagu wa Imulungu?” Kawedika, “Ka, sili niye.”

Yohana 11:27

Mata kedika, “Ona Mndewa, notogola kamba gweye ayo Kilisito Mkombola, Mwana wa Imulungu ija yezile mwiisi.”

Yohana 2:11

Yesu kasang'hana unzonza uno wa ichanduso ako Kana mwiisi ya Galilaya. Kuko kalagusa ukulu wake, na wanahina zake wamtogola.

Yohana 4:19

Mtwanzi ayo kalonga, “Go mkulu, vinikona gweye kwa mtula ndagu.

Yohana 4:25

Mtwanzi ayo kamulongela Yesu, “Nojuwa Mkombola kokwiza, yokemigwa Kilisito, yaheza kotulongela mbuli zose.”

Yohana 4:42

Wamulongela mtwanzi ayo, “Sambi totogola, siyo mbuli ya gaja gaulongile gaiyeka, lakini siye wenyego tumuhulika, na tojuwa heyo ayo Mkombola wa wanhu wa mwiisi yose.”

Yohana 6:2

Lunhu mkulu lumkweleleza, kwavija luwona unzonza wake wa kuhonya watamu.

Yohana 6:26

Yesu kawedika, “Nowalongeleni ukweli, monizahila niye kwavija muja magate mwiguta, siyo kwavija mona unzonza wangu.

Yohana 6:30

Wamwidika, “Vino unzonza gani onda utende ili tuwone na kukutogola? Choni chonda utende?

Yohana 7:40

Wanhu wayagwe mna ulunhu wamuhulika viyalongile avo na walonga, “Kweli munhu ino mtula ndagu wa Imulungu!”

Sang'hano 7:37

Musa iyo yawalongele wanhu wa Izilaeli, ‘Imulungu kowasagulileni mtula ndagu wake, kamba viyanhumile niye na kokuwa imoja wa wanhu zenu.’