Yohana 5:5 - Biblia Kikutu

⁵ Aho kukala na munhu imoja mtamu kwa miyaka malongo madatu na nane.

Yohana 5:5 ပူးပေါင်းရင်းမြစ်များ

Maluko 9:21

Yesu kamuuza tata wa imbwanga ayo, “Utamu uno umsonga lini?” Kamwidika, “Umsonga toka haudodo.

Luka 13:16

Mtwanzi ino kolawa mulukolo lwa Abulahamu. Nayo kakala yagogigwe na Mwenembago kwa miyaka longo na nane. Vino halondeke kulekesigwa mwiisiku ya Kubwihila?”

Luka 8:43

Mna dibumbila dija da wanhu, kukala na mtwanzi imoja yakalile na utamu wa kutumika kwa miyaka longo na mibili. Kakala yamambukize vinhu vake vose kwa waganga, lakini kuduhu munhu yadahile kumuhonya.

Yohana 5:14

Abaho, Yesu kamvika munhu ayo yamuhonyile Mwiing'anda ya Imulungu. Kamulongela, “Tegeleza, gweye sambi kuhona. Sikuutende nzambi kabili, ili sikugakupate gehile kubanza gano.”

Yohana 5:4

kwavija kuna kipindi msenga wa kuulanga kezaga na kugatibula gaja gamazi geli kudikolombo, na mtamu yoyose yahalongola kwingila mazi gahamala kutibuligwa, kohona utamu wowose uyali nao.

Yohana 5:6

Yesu viyamone katambalala aho, kajuwa kamba munhu ayo kana utamu wa siku nyingi, avo Yesu kamuuza, “Kolonda kuhona?”

Yohana 9:1

Yesu viyakalile kogenda, kamona munhu yavumbuke msuwameso.

Yohana 9:21

Lakini hatujuwile sambi viyadahile kulola, wala hatumjuwile munhu yamuhonyile. Muuzeni mwenyego, heyo mkulu goya, kodaha kuwedika!”

Sang'hano 14:8

Ako Lusitila kukala na munhu imoja yakalile mbetembete toka yavumbuke na kakala hadahile kugenda.

Sang'hano 3:2

Kipindi acho wanhu wakala wampapile munhu imoja mbetembete toka viyavumbuke. Kila siku wakala omwika munhu ayo hana ulwivi lwa Ng'anda ya Imulungu lukemigwe, “Lwivi lunogile” ili yapule sente kwa wanhu wakalile okwingila Mng'anda ya Imulungu.

Sang'hano 4:22

Munhu yatendiligwe unzonza uno wa kuhonyigwa kakala na miyaka kubanza malongo mane.

Sang'hano 9:33

Ako kamting'hana munhu yakemigwe Enea, yakalile yaholole na hadahile kwinuka mulusazi kwa miyaka minane.