Yohana 5:39 - Biblia Kikutu

³⁹ Mogasoma Maandiko Gang'alile kwavija mogesa kulawa mumo moupata ugima wa milele. Na kuno Maandiko gago gago gandika mbuli zangu!

Yohana 5:39 ပူးပေါင်းရင်းမြစ်များ

Zabuli 1:2

lakini kogadeng'helela malagizo ga Mndewa Imulungu, na kogagelegeza imisi na ikilo.

Zabuli 119:11

Mmoyo wangu niika mbuli yako, ili sikunikutende nzambi.

Zabuli 133:3

Kamba tungwe da lugongo lwa Helimoni, vidigwa uchanha ya vigongo va Sayuni. Kwavija kuko Mndewa Imulungu kuyagalagize ganogile gake, hata ugima wa milele.

Zabuli 16:11

Konilagusila nzila ya ugima, kuulongozi wako kuna deng'ho, na mumkono wako wa ukudila kuna ganogile gakalaga milele.

Zabuli 21:4

Kakupula ugima na gweye kumgwaa, kumtenda yakale siku nyingi siku zose na milele.

Zabuli 36:9

Kumwako gweye kuna nzasa ya ugima, kudilenge jako tokona mulenge.

Nongezi 6:23

Kwavija malagizo gago, acho kiwenge, na mafunzo gago, awo mulenge. Mbuli azo zomzuma na zomfundiza munhu nzila ya ugima.

Matayo 22:29

Yesu kawedika, “Mweye mopotela! Kwavija hamugajuwile Maandiko Gang'alile hebu udahi wa Imulungu.

Maluko 10:3

Yesu kawauza, “Vino Musa kawalagiza choni?”

Maluko 12:10

Hamgasomile Maandiko Gang'alile vigalonga, ‘Dibwe wadilemile wazengaji, Sambi digalamuka dibwe kulu kubanza gose.

Luka 16:29

“Abulahamu kalonga, ‘Ndugu zako wanago maandiko ga Musa na ga watula ndagu wa Imulungu ga kuwazuma. Wawategeleze wao kiwolonga!’

Luka 16:31

Lakini Abulahamu kamulongela, ‘Kamba hawagagoga maandiko ga Musa na watula ndagu wa Imulungu, honda wategeleze hata kamba munhu yahazilibuka kulawa kwa wafile!’ ”

Luka 24:25

Yesu kawalongela, “Mweye mwa wabozi, na mizoyo yenu midala kutogola gose galongigwe na watula ndagu wa Imulungu!

Luka 24:27

Yesu kawasimulila gaja galongigwe na Maandiko Gang'alile mbuli yake mwenyego, kusongela mna ivitabu va Musa na maandiko ga watula ndagu wose wa Imulungu.

Luka 24:44

Abaho kawalongela, “Mbuli zino azo ziniwalongeleni ving'halile hamoja na mweye, kamba gose gandikigwe mbuli ya niye mna Gamalagizo ga Musa, na gandikigwe na watula ndagu wa Imulungu, na Zabuli galondigwa galawilile.”

Yohana 1:45

Filipo kamvika Nasanaeli, kamulongela, “Tumona munhu ayo yandikigwe na Musa mna ikitabu cha Malagizo, na watula ndagu wa Imulungu wengi wandika mbuli zake. Heyo Yesu mwanage Yusufu, mwenekae wa Nazaleti.”

Yohana 5:32

Lakini kabaho imoja yosindila mbuli ya niye, na niye nojuwa gaja goyolonga gaukweli.

Yohana 5:36

Lakini niye mwenyego ninao usindila mkulu kubanza wa Yohana, kija kinhenda acho kiyanigwelele Tatangu nikitende, gano gose golagusa kamba Tata ayo yanhumile.

Yohana 5:40

Lakini hamulonda kwiza kumwangu mupate ugima.

Yohana 5:46

Kamba kweli mumtogola Musa, mwahanhogole na niye, kwavija Musa kandika mbuli zangu.

Yohana 7:52

Wamwidika, “Vino na gweye vivija kolawa mwiisi ya Galilaya? Gasome Maandiko Gang'alile na koifunza, kuduhu mtula ndagu wa Imulungu yalawile mwiisi ya Galilaya.”

Sang'hano 13:27

Kwavija wanhu wakalile Yelusalemu na wakulu zao hawajuwile Yesu iyo Mkombola, vivija hawazijuwile mbuli za watula ndagu wa Imulungu zisomigwe kila siku ya Kubwihila. Avo watenda mbuli zilongigwe na watula ndagu wa Imulungu zilawilile kwa kumtagusa Yesu yafe.

Sang'hano 17:11

Wanhu wa Beleya wakala otegeleza vinogile ng'hani kubanza wanhu wa Sesalonike. Wauhulika usenga awo kwa kusulukila, kila siku wakala ogalolesa goya Maandiko Gang'alile, one kamba Paulo kakala yolonga kweli.

Sang'hano 26:27

Mndewa Agilipa, vino kowatogola watula ndagu wa Imulungu? Nojuwa kowatogola!”

Walumi 1:2

Mbuli Inogile ilongigwe na Imulungu toka mwaka kubitila watula ndagu zake, kamba viyandikigwe mna ga Maandiko Gang'alile.

Walumi 3:2

Ona, kuna vinhu vingi vikulu, Imulungu kawagwaa Wayahudi usenga wake.

Kumbukumbu 18:15

“Mndewa Imulungu, Imulungu wenu komwinulilani mtula ndagu kamba niye kulawa hagati yenu, Mwiizilaeli miyenu na mweye mumtegeleze heyo.

Kumbukumbu 18:18

Nowenulila mtula ndagu kamba gweye, imoja wa ndugu zao. Niye nogela mbuli zangu mmulomo wake na heyo kowalongela gose gonda nimulagize.

Kumbukumbu 29:29

“Gaja ga ikinyelegezi gake Mndewa Imulungu, Imulungu wetu, lakini gayatugubulile, getu siye na wanetu ili siku zose, tutende mbuli zose za malagizo gano.”

Kumbukumbu 32:47

Kwavija malagizo gano siyo mbuli ziiyeka ila ago ugima wenu, kubitila malagizo gano mokala siku nyingi mwiisi yumuchola kuisola, mwambu wa lwanda lwa Yolidani.”

Wakolosai 3:16

Usenga wa Kilisito umeme mmizoyo yenu. Ifunzeni na muizume kwa nzewele zose. Mwimbe zabuli na nyila za kumtogola na kumtambikila Imulungu. Mwimbileni Imulungu wenu kwa kumgwaa nhogolwa mmizoyo yenu.

Waebulania 11:16

Lakini wasulukila isi inogile ng'hani, isi ya kuulanga. Avo Imulungu hakona kinyala awo kumkema heyo Imulungu wao, kwavija kawatandila buga jao.

Waebulania 11:35

Na watwanzi wabwezeligwa ndugu zao wafile. Wayagwe walemile kulekesigwa wafa kwa kugaya ili wazilibuligwe na kwingila muugima unogile ng'hani.

Yoshua 1:8

Sikuuleke kuzilonga mbuli za kitabu kino cha malagizo, uzigelegeze imisi na ikilo, ili uifunze kutenda gose gandikigwe mumo. Abaho mbuli zako zokucholela goya na komweda.

Ugubulo 19:10

Nigwa kingubanguba mmagulu gake nilonda kumtambikila, lakini kanongela, “Sikuutende vivo! Niye na msang'hanaji kamba gweye na wayago wamtogole Yesu, ogoga ukweli ugubuligwe na Yesu. Mtambikile Imulungu! Kwavija wanhu ogoga ukweli ugubuligwe na Yesu olongozigwa na loho yawalongoze watula ndagu wa Imulungu.”