Yohana 4:41 - Biblia Kikutu

⁴¹ Wanhu wengi watogola mbuli ya usenga wa Yesu.

Yohana 4:41 ပူးပေါင်းရင်းမြစ်များ

Mwanduso 49:10

Mkongoja wa ukulu honda usegele mmakono ga Yuda, na mkongoja wa utawala honda usegele muulelo wake mbaka vonda yeze ija mwenyego heyo makabila gose gomtegeleza.

Luka 4:32

Mafundizo gake gawakanganya wanhu wose, kwavija kakala kolonga kwa udahi.

Yohana 4:40

Avo Wasamalia viwamcholele Yesu, wampula yakale nao. Yesu kakala nao siku mbili.

Yohana 4:42

Wamulongela mtwanzi ayo, “Sambi totogola, siyo mbuli ya gaja gaulongile gaiyeka, lakini siye wenyego tumuhulika, na tojuwa heyo ayo Mkombola wa wanhu wa mwiisi yose.”

Yohana 6:63

Loho wa Imulungu ayo yomgwaa munhu ugima, nguvu za munhu hazidaha kinhu chochose. Mbuli ziniwalongeleni ni za Loho wa Imulungu na zogala ugima.

Yohana 7:46

Wakalizi wawedika, “Kuduhu munhu yolonga kamba munhu ayo!”

Sang'hano 1:8

Lakini Loho Yang'alile vondayawezile, mobokela nguvu, na mowapetela wanhu mbuli zangu zimone, mowapetela kudibuga da Yelusalemu na mziisi zose za Yudea na Samalia, na kuuhelelo wa isi.”

Sang'hano 15:3

Wanhu wamtogole Yesu ako wawatuma na viwakalile ochola kubitila Foinike na Samalia, wawalongela wanhu vija wanhu haweli Wayahudi viwamtogole Imulungu, mbuli ino itenda wanhu wamtogole Yesu wadeng'helele.

Sang'hano 8:12

Lakini viwautogole usenga wa Filipo, usenga wa Mbuli Inogile ya Undewa wa Imulungu na mbuli ya twaga da Yesu Kilisito, wose wabatizigwa, wambigalo kwa watwanzi.

Sang'hano 8:25

Viwamambukize kulonga gaja gawone na kuwapetela wanhu usenga wa Mndewa, Petulo na Yohana wabwela Yelusalemu. Mnzila wawapetela Mbuli Inogile wanhu wa mvijiji va Samalia.

Waebulania 4:13

Kuduhu kinhu chochose kifisigwe mgameso ga Imulungu. Kila kinhu kigubuligwa na koneka mgameso gake. Kumwake heyo tolondigwa kumulongela sang'hano zetu.