Yohana 4:34 - Biblia Kikutu

³⁴ Yesu kawalongela, “Ujaji wangu, ni kutenda goyolonda ija yanhumile na kuimambukiza sang'hano iyanigwelele.

Yohana 4:34 ပူးပေါင်းရင်းမြစ်များ

Zabuli 40:8

Go Mndewa Imulungu, nosulukila kutenda gaja goulonda, malagizo gako gammoyo wangu.”

Matayo 26:39

Abaho kachola hamwande kidogo, kaibwanha hasi, kampula Imulungu, “Tatangu, kamba yahadahika, unisegesele kikasi kino cha madununzo! Lakini siyo kamba vinilonda niye, ila viulonda gweye.”

Matayo 3:15

Yesu kamwidika, “Leka sambi iwe vivo kwavija kwa kutenda vivo togatenda gaja gose golondigwa na Imulungu.” Avo Yohana katogola.

Matayo 9:19

Yesu na wanahina zake wenuka, wachola hamoja nayo.

Luka 15:10

Vivija nowalongela, wasenga wa Imulungu odeng'helela mbuli ya munhu imoja mwene nzambi yahaleka nzambi zake.”

Luka 19:10

Kwavija Mwana wa Munhu keza kuwazahila na kuwakombola waja wapotele.”

Luka 2:49

Yesu kawedika, “Habali munizahila? Vino hamujuwile bule niye nilondigwa ng'hale mng'anda ya Tatangu?”

Yohana 17:4

Niulagusa ukulu wako mwiisi, niimambukiza sang'hano yuunigwelele niisang'hane.

Yohana 19:28

Yesu kajuwa kamba kulawa sambi kila kinhu kimala, na ili kutenda Maandiko Gang'alile gavikizwe, Kalonga, “Nokona ng'hilu.”

Yohana 19:30

Yesu viyang'wile ija idivai, kalonga, “Gamala!” Kaidulika kafa.

Yohana 4:32

Lakini Yesu kawedika, “Ninao ndiya mweye hamuijuwile.”

Yohana 5:30

“Niye mwenyego sitenda mbuli yoyose kwa udahi wangu, lakini notagusa kamba Imulungu viyonongela, avo notagusa goya, kwavija sitenda kija kinonda, lakini kija kiyolonda heyo yanhumile.”

Yohana 5:36

Lakini niye mwenyego ninao usindila mkulu kubanza wa Yohana, kija kinhenda acho kiyanigwelele Tatangu nikitende, gano gose golagusa kamba Tata ayo yanhumile.

Yohana 6:33

Ndiya iyowagwaa Imulungu ayo heyo yezile hasi kulawa kuulanga na kowagwaa ugima wanhu wa mwiisi.”

Yohana 6:38

kwavija sizile hasi kulawa kuulanga kutenda gaja gonilonda lakini goyolonda Tata yanhumile.

Yohana 8:29

Na heyo yanhumile kahamoja na nene, handekile niiyeka bule kwavija siku zose notenda kija kimnogela.”

Sang'hano 20:35

Niwalagusila kamba kwa kusang'hana ng'hani tolondigwa kuwataza wanyolile, kumbukeni mbuli ziyalongile Mndewa Yesu mwenyego, ‘Vinoga ng'hani kulava kubanza kubokela.’ ”

Waebulania 12:2

Meso getu tumulole Yesu, itumtamanila kulawa ichanduso mbaka kuuhelelo. Viyakalile mumsalaba habwelile kuchugu! Mbuli ya ndeng'helelo ikalile yombeta, hatongile kinyala cha msalaba na sambi kakala muukulu mwambu wa mkono wa kudila wa kigoda cha ukulu cha Imulungu.