Yohana 4:23 - Biblia Kikutu

²³ Lakini kipindi chokwiza na sambi chabahano, aho awo otambikaga kweli, omtambikila Tata kwa loho na kweli, kwavija Tata kolonda wanhu omtambikila kamba vivo.

Yohana 4:23 ပူးပေါင်းရင်းမြစ်များ

Zabuli 147:11

lakini konogezwa na wanhu omdumba, wanhu otamanila unogelo wake hawishaga.

Zabuli 17:1

Gweye Mndewa Imulungu, utegeleze kitala changu cha haki, utegeleze kililo changu, utegeleze ukupula kwangu, vinipula bila uvizi.

Zabuli 32:2

Kamweda imunhu Mndewa Imulungu hagelegeza gehile gake, imunhu yelibule uvizi mmoyo wake.

Zabuli 51:6

Gweye konogezwa na kweli ilawa mmoyo, mgati mmoyo wangu konifunza ubala.

Nongezi 15:8

Nhosa za wasang'hana gehile, ngevuzo kwa Mndewa Imulungu, lakini kupula kwa munhu yeli na haki ajo deng'ho da Imulungu.

Yohana 1:17

Imulungu kalava Malagizo kubitila Musa, lakini Yesu Kilisito katugalila ng'hekewa na ukweli.

Yohana 12:23

Yesu kawedika, “Sambi kipindi kivika cha Mwana wa Munhu kubokela ukulu.

Yohana 16:2

Wanhu owawinga mna zing'anda za kumpula Imulungu, na kipindi chokwiza baho kila munhu yowakoma mweye kogesa komsang'hanila Imulungu.

Yohana 16:32

Kipindi chokwiza, tena kivika, baho mweye mose mopwililika, kila munhu ukae kumwake, mondeka niiyeka. Lakini sili niiyeka bule, kwavija Tata kahamoja na niye.

Yohana 4:21

Yesu kamulongela, “Mama, togola gano gonikulongela, kipindi chokwiza baho wanhu honda wamtambikile Tata kulugongo luno hebu ako Yelusalemu.

Yohana 5:25

Nowalongeleni ukweli, kipindi chokwiza tena kipindi kimala kwiza, baho waja wafile oihulika sauti ya Mwana wa Imulungu, na waja oihulika okuwa wagima.

Yohana 5:28

Sikumuikanganye mbuli ino, kipindi chokwiza baho waja wose wafile oihulika sauti yake

Walumi 1:9

Imulungu inimsang'hanila kwa moyo wangu wose, kwa kuwapetela wanhu Mbuli Inogile ya Mwanage, ayo yolola kuwa nowakumbuka mweye,

Walumi 8:15

Kwavija Imulungu hawagwelele bule Loho wa kuwatenda muwe watumwa kabili na kuwagela bwembwe, lakini kawagwaa Loho wa kuwatenda wana. Na kwa udahi wa Loho tomkema Imulungu, “Tata!”

Walumi 8:26

Vivo ili, Loho mwenyego kotutaza siye kuna ukunyolila kwetu. Kwavija hatujuwile kija kitulondigwa kumpula Imulungu. Loho mwenyego kotupulila kwa Imulungu kwa kugutilila kuleka kulongeka.

Wagalatia 4:6

Kwavija mweye mwa wanage, Imulungu kamtuma Loho wa Mwanage mmizoyo yenu, Loho ayo yokemelela, “Aba, fambulo jake Tata.”

Waefeso 6:18

Siku zose mpuleni Imulungu yawataze. Mpuleni Imulungu kipindi chose, kwa kulongozigwa na Loho. Kwa mbuli ino muiteganye sikumubwele kuchugu, siku zose wapulileni wanhu wose wa Imulungu.

Wafilipi 3:3

Siye wao twingile kumbi kweli, siye tumtambikila Imulungu kwa Loho wake na toigodela Yesu Kilisito. Siye hatuigodela kihendo kitendigwa mulukuli.

Yoshua 24:14

“Avo sambi mdumbeni Mndewa Imulungu na mumsang'hanile kwa mizoyo yenu yose. Muisegese imilungu iwaisang'hanile iwahenga zenu ako umwambu wa ulwanda na ako Misili, na mumsang'hanile Mndewa Imulungu.

1 Petulo 2:9

Lakini mweye mwa wanhu musaguligwe, walava nhosa wa kindewa na wanhu wa isi ing'alile, wanhu wa Imulungu, ili mupete mbuli za unzonza ziyatendile, kawakema mulawe mdiziza mwize mmulenge wa kukanganya.

1 Samweli 12:24

Avo mweye mdumbeni Mndewa Imulungu na mumsang'hanile kwa mizoyo yenu yose ilibule lusikisiki. Gelegezeni gaja ganogile gayawatendele.