Yohana 3:6 - Biblia Kikutu

⁶ Munhu koleligwa kwa lukuli na tatake na mamake, lakini koleligwa kiloho na Loho Yang'alile.

Yohana 3:6 ပူးပေါင်းရင်းမြစ်များ

Mwanduso 5:3

Adamu viyavikize miyaka gana na malongo madatu, kalela mwana yaigalile na heyo, twaga jake kamkema Seti.

Mwanduso 6:12

Imulungu kailola isi na kayona isi yose ikala ibanangike ng'hani, kwavija kila munhu kakala kokweleleza nzila zake zihile.

Mwanduso 6:5

Mndewa Imulungu viyone kubanza kwa nzambi za wanhu mwiisi, na kila kiwogesa kutenda wanhu mmizoyo yao siku zose kiha,

Zabuli 51:10

Gweye Imulungu unilumbile moyo ung'alile, uilumbe kabili loho itindiwale mgati mmwangu.

Yohana 1:13

Si wana wa Imulungu bule kwa kuleligwa, hebu viwolonda wanhu hebu kwa udahi wa mbigalo yoyose, lakini Imulungu mwenyego heyo Tatao.

Yohana 3:7

Sikuukanganye kwavija nokulongela molondigwa mweye mose muleligwe mwanza wa kabili.

Walumi 7:18

Nojuwa kuwa kuduhu dinogile dikala mgati mmwangu muunhu wangu. Kwavija nolonda kutenda ganogile, lakini sidaha bule kutenda.

Walumi 7:25

Imulungu yatogoligwe, yotenda mbuli zino kubitila Mndewa wetu Yesu Kilisito! Vino vivo ili, niye mwenyego kwa nzewele zangu na mtumwa wa Malagizo ga Imulungu, lakini kwa lukuli lwangu niye na mtumwa wa malagizo ga nzambi.

Walumi 7:5

Vitukalile tokala kuno tolongozigwa vija vilulonda lukuli, usulukilo wa nzambi, uding'huke kwa lagizo usang'hana mzing'huli zetu, mbuli zose zitutendile zihelela mwiiifa.

Walumi 8:13

Avo mwahakala kamba vizilonda ng'huli zenu, mofa, lakini kamba mozileka nzambi zenu kubitila Loho, mokuwa wagima.

1 Wakolinto 6:17

Lakini munhu ija yoilumba na Mndewa kahamoja nayo kiloho.

2 Wakolinto 5:17

Munhu yoyose yahailumba na Kilisito kotendigwa wa sambi, gaumwaka gabita, ga sambi geza.

Wagalatia 5:24

Wanhu wose wailumbile na Yesu Kilisito wauwamba unhu wao wa nzambi uli na usulukilo wihile na magesa gehile.

Waefeso 2:3

Na siye wose tukala kamba wao, na tukala kwa kukweleleza usulukilo wihile uli mgati mmwetu, na tusang'hana mbuli zija zinogeligwe na ng'huli zetu na nzewele zetu. Kamba vitukalile, kamba viweli wanhu wayagwe, tumgevuza Imulungu na tulondigwa kutaguswa.

Wakolosai 2:11

Kwa kuilumba na Kilisito mweye mwingila kumbi, kumbi jenu haditendigwe kwa makono ga wanhu, ila ditendigwa na Kilisito kwa kuwatenda wanhu wakomboligwe kulawa muunhu wa kutenda nzambi.

1 Yohana 3:9

Yeli mwana wa Imulungu hagendelela kutenda nzambi, kwavija kavumbuka na Imulungu na Imulungu kamgwaa ugima wa sambi, avo hadaha kugendelela kutenda nzambi.