Yohana 3:5 - Biblia Kikutu

⁵ Yesu kamwidika, “Nokulongela ukweli, kuduhu munhu yodaha kwingila Muundewa wa Imulungu bila kuleligwa kwa mazi na kwa Loho Yang'alile.

Yohana 3:5 ပူးပေါင်းရင်းမြစ်များ

Matayo 18:3

kalonga, “Nowalongeleni ukweli, kamba mwahaleka kugaluka na kuigala na mwana mdodo, hamkwingila ng'o Muundewa wa kuulanga.

Matayo 19:24

Nowalongeleni kabili, vibuha kwa ngamiya kubita mna ikizonzo cha sanzia, kubanza tajili kwingila Muundewa wa Imulungu.”

Matayo 21:31

Avo nani mna iwana waja wabili yatendile kija kiyalondile tatao?” Wamwidika, “Ija mwana imkulu.” Avo Yesu kawalongela, “Nowalongeleni wabokela kodi na wagoni owalongolela kwingila mna Undewa wa Imulungu.

Matayo 28:19

Avo gendeni mkawatende wanhu wa isi zose wawe wanahina zangu, muwabatize kwa twaga da Tata na Mwana na Loho Yang'alile,

Matayo 3:11

Niye nowabatiza mweye kwa mazi kulagusa muzileka nzambi zenu. Lakini yonda yeze kuchugu changu kowabatiza kwa Loho Yang'alile na kwa moto, heyo munhu mkulu kubanza nene, niye sifaya hata kupapa vilatu vake.

Matayo 5:20

Nowalongeleni, kamba hamutenda ganogile goyolonda Imulungu kubanza wafundiza Malagizo ga Musa na Mafalisayo, hamwingila ng'o Muundewa wa kuulanga.

Maluko 10:14

Yesu viyonile avo, kagevuzika, kawalongela, “Walekeni wana wadodo weze kumwangu sikumuwagomese kwavija Undewa wa Imulungu ni wa wanhu kamba wana wano.

Maluko 16:16

Munhu yoyose yotogola na kubatizigwa, kokomboligwa, lakini munhu yoyose yolema kutogola kotagusigwa.

Maluko 9:47

Kamba siso jako dahakuhonza utende nzambi, ding'ole! Yokuwa vinoga wingile Muundewa wa Imulungu na siso dimoja, kubanza wingile na meso gose mabili na abaho wasigwe jehanamu.

Luka 13:24

“Gangamaleni mwingile kubitila ulwivi msisili, kwavija wanhu wengi olonda kwingila lakini honda wadahe bule.

Luka 13:3

Bule! Nowalongela kweli, na mweye vivija mwahalema kuleka nzambi zenu, mose mofa kamba awo.

Luka 13:5

Bule! Nowalongela, mwahalema kuleka nzambi, mose mofa kamba awo.”

Yohana 1:13

Si wana wa Imulungu bule kwa kuleligwa, hebu viwolonda wanhu hebu kwa udahi wa mbigalo yoyose, lakini Imulungu mwenyego heyo Tatao.

Yohana 3:3

Yesu kamwidika, “Nokulongela ukweli, kuduhu munhu yodaha kuwona Undewa wa Imulungu bila kuleligwa mwanza wa kabili.”

Yohana 3:4

Nikodemo kamuuza, “Vino munhu mkulu kodahaze kuleligwa mwanza wa kabili? Havidahika bule munhu mkulu kwingila mna iinda ya mamake na kuleligwa mwanza wa kabili!”

Sang'hano 2:38

Petulo kawalongela, “Kila imoja wenu kolondigwa yaleke nzambi na yabatizigwe kwa twaga da Yesu Kilisito, na Imulungu kozigela kumgongo nzambi zenu na mobokela Loho Yang'alile yeli nhunza.

Sang'hano 3:19

Lelo lekeni nzambi zenu mumbwelele Imulungu, ili Imulungu yazigele kumgongo nzambi zenu.

Walumi 14:17

Kwavija Undewa wa Imulungu siyo mbuli ya kuja na kung'wa. Lakini mbuli ya kutenda ganogile, tindiwalo na deng'ho, vose vino volawa kwa Loho Yang'alile.

Walumi 8:2

Kwavija kubitila Yesu Kilisito malagizo ga Loho yogala ugima, gotulekesa na malagizo ga nzambi na ga ifa.

1 Wakolinto 15:50

Ndugu zangu, nolonda mujuwe kamba, kija kili na lukuli na damu hakidaha kuwa na fungu Muundewa wa Imulungu, na kija kinangika chaduhu fungu da kija kileka kunangika.

1 Wakolinto 2:12

Hatubokele bule loho wa wanhu wa isi ino, lakini tubokela Loho yatumigwe na Imulungu, ili tudahe kugajuwa gaja gose tugweleligwe na Imulungu.

1 Wakolinto 6:11

Wanhu wayagwe kumwenu mukala vivo. Lakini sambi nzambi zenu zisegesigwa, mulavigwa kwa Imulungu, mutendigwa munoga mgameso ga Imulungu kwa twaga da Mndewa Yesu Kilisito na Loho wa Imulungu wetu.

Wagalatia 6:15

Kwingila kumbi hebu kuleka kwingila kumbi siyo kinhu, kilondigwa kulumbigwa kabili.

Waefeso 5:26

Katenda avo ili yawalave kwa Imulungu, yahamambukiza kuwasunha kwa mazi kubitila mbuli yake,

1 Petulo 1:2

Toka mwaka Imulungu Tata kajuwa na kawasagula mweye, na kawatenda mung'ale kwa Loho wake, kubitila kumtegeleza kwenu Yesu Kilisito na kawasunha kwa damu yake. Imulungu yawagwee ng'hani ng'hekewa na tindiwalo.

1 Petulo 3:21

Na mazi gago sambi golagusa ubatizo, awo uwakombola. Siyo kwa kusunha dikwe da lukuli lakini lagano kwa Imulungu ditendigwa kwa moyo unogile kumwake. Ubatizo owakombola kwa kuzilibuka kwa Yesu Kilisito,

1 Yohana 2:29

Kamba mojuwa kuwa Kilisito komnogeza Imulungu, mujuwe kila munhu yomnogeza Imulungu kaleligwa na heyo.

1 Yohana 5:1

Munhu yoyose yotogola kamba Yesu ayo Kilisito munhu ayo mwana wa Imulungu. Munhu yomnogela tata munhu, vivija komnogela na imwana.