Yohana 3:29 - Biblia Kikutu

²⁹ Mtwanzi yosoligwa ni wa mbigalo yosola. Lakini mbwiga wa mbigalo yosola, yemile na kutegeleza, kodeng'helela yahahulika sauti ya mbigalo yosola. Vivo ili kumwangu, deng'ho jangu divika.

Yohana 3:29 ပူးပေါင်းရင်းမြစ်များ

Matayo 22:2

“Undewa wa kuulanga uigala na kija kilawilile kwa mndewa yamtandile mwanage wa kimbigalo zengele.

Matayo 25:1

“Undewa wa kuulanga oigala na kija kilawilile kwa wali longo wasolile taa zao na kuchola kumbokela munhu yosola.

Matayo 9:15

Yesu kawedika, “Vino yodahika vilihi wanhu wagonekigwe kuna idizengele wanyunyuwale kipindi munhu yosola kahamoja nao? Haidahika bule! Lakini kipindi chokwiza munhu yosola vonda yasegesigwe kumwao, aho ofunga kuja.”

Luka 15:6

na kumgala ukae. Abaho kowakema hamoja mbwiga zake na wanhu weli behi nayo na kowalongela, ‘Miyenu nodeng'helela kwavija nimpata ng'hondolo wangu yapotele. Avo tudeng'helele hamoja!’

Yohana 15:11

“Niwalongela vino ili ndeng'ho jangu dikale mgati mmwenu na avo ndeng'ho jenu dileke kumala.

Yohana 16:24

Mbaka sambi hamnapula kinhu chochose kwa twaga jangu. Puleni mogweleligwa ili deng'ho jenu dimeme.”

Yohana 17:13

Sambi nokwiza kumwako, nolonga mbuli zino mwiisi ili wadahe kuwa na deng'ho jangu dimemile mna imizoyo yao.

Yohana 3:30

Heyo kolondigwa yawe mkulu na niye niwe mdodo.”

2 Wakolinto 11:2

Nowonela migongo, kamba Imulungu viyowonela migongo, mweye muigala na mhambe inimtandile yafungiligwe zengele na mbigalo imoja, nayo ayo Kilisito.

Wafilipi 2:2

avo itendeni ndeng'helelo yangu yenele kwa kugesa kinhu kimoja na unogelwa umoja na moyo umoja na muwe na nzewele imoja.

1 Yohana 1:4

Towandikila mweye mbuli zino kutenda deng'ho jetu ditelele.

2 Yohana 1:12

Ninazo mbuli nyingi za kuwalongela lakini silonda kuwalongela kwa kuwandikila, avo, nogesa niwatembelele na kulonga na mweye meso kwa meso, ili deng'ho jetu ditelele.

Ugubulo 21:9

Imoja wa iwasenga saba wa kuulanga yakalile na mabakuli saba gamemile mikubulo saba yakimambukizo, keza kumwangu kanongela, “Izo, nikulagusile mtwanzi yosoligwa, mwehe wa Mwanang'hondolo.”