Yohana 3:26 - Biblia Kikutu

²⁶ Avo wamcholela Yohana na kumulongela, “Mfundiza, vino komkumbuka munhu ija yuukalile nayo mwambu wa kudilawila zuwa wa lwanda lwa Yolidani, ija yuulongile mbuli zake? Hambe sambi kobatiza na kila munhu komcholela heyo!”

Yohana 3:26 ပူးပေါင်းရင်းမြစ်များ

Zabuli 65:2

Gweye widikaga kupula, avo wanhu wose okwizila gweye.

Matayo 23:7

Onogezwa kulamusigwa na wanhu mna gamagulilo na kukemigwa na wanhu, ‘Mfundiza’.

Matayo 23:8

Lakini mweye sikumukemigwe ‘Mfundiza’. Kwavija mweye mwa wanhu wa lubuga lumoja na Mfundiza wenu imoja.

Yohana 1:15

Yohana kalava usindila uno yolonga, “Ino ayo iniwalongeleni kokwiza kuchugu kumwangu yeli mkulu kubanza niye, kwavija kakala kuko toka umwaka niye sinavumbuka.”

Yohana 1:7

Ayo keza kuwalongela wanhu mbuli ya umulenge ili wanhu wose wahulike na watogole.

Yohana 1:9

Uno ukala mulenge kweli, mulenge wizile mwiisi kuwamwemwesela wanhu wose.

Yohana 11:48

Kamba twahamuleka yagendelele vivo, kila munhu komtogola, na wakulu wa Walumi okwiza na kuinanga Ng'anda yetu ya Imulungu na isi yetu!”

Yohana 12:19

Abaho Mafalisayo wailongela, “Mona, hatudaha kutenda chochose! Loleni wanhu wose wa mwiisi omkweleleza!”

Yohana 3:2

Siku dimoja ikilo kamcholela Yesu na kamulongela, “Labi, tojuwa gweye kwa mfundiza kutumigwa na Imulungu. Kwavija kuduhu munhu yodaha kutenda unzonza kamba viutenda gweye kamba Imulungu hali hamoja nayo.”

Yohana 4:1

Mafalisayo wahulika kamba Yesu kakala kopata na kobatiza wanahina wengi kubanza Yohana,

Yohana 4:2

lakini ukweli Yesu hambatize munhu yoyose ila wanahina zake wao wabatize.

Yohana 4:31

Mna ikipindi kikija wanahina zake wamnanahiza Yesu, “Mfundiza, chonde, diya tanhu!”

Yohana 5:33

Mweye mutuma wasenga kwa Yohana, na mbuli ziyalongile mbuli yangu ni za ukweli.