Yohana 2:4 - Biblia Kikutu

⁴ Yesu kamwidika, “Mama, habali unongela vivo. Saa yangu hainavika.”

Yohana 2:4 ပူးပေါင်းရင်းမြစ်များ

2 Samweli 16:10

Lakini mndewa kawalongela, “Ino siyo sang'hano yenu, mweye wanage Seluya. Kamba Mndewa Imulungu kamulongela Shimei, ‘Mduwile Daudi,’ avo nani yodaha kuuza, ‘Habali kotenda vino?’”

2 Samweli 19:22

Daudi kawedika Abishai na mkulu wake Yoabu, “Niye nabule mbuli yoyose na mweye wanage Seluya, mbaka lelo muwe wanhu niwehila? Vino lelo kuna munhu yonda yakomigwe mwiisi ya Izilaeli? Vino niye sijuwa kamba niye iyo mndewa wa Izilaeli yose?”

Matayo 15:28

Yesu kamwidika, “Gweye kwa mtwanzi utamanila ng'hani! Kiulondile kotendiligwa.” Bahaja mndele wake kahona.

Matayo 8:29

Bahaja viwamone Yesu waguta mizangi olonga, “Gweye Mwana wa Imulungu, kotulonda choni? Kwiza kutudununza kipindi king'hali hakinavika?”

Luka 2:49

Yesu kawedika, “Habali munizahila? Vino hamujuwile bule niye nilondigwa ng'hale mng'anda ya Tatangu?”

Yohana 12:23

Yesu kawedika, “Sambi kipindi kivika cha Mwana wa Munhu kubokela ukulu.

Yohana 13:1

Dikala ding'hali siku dimoja kuvikila nyimwilinyimwili ya Pasaka. Yesu kajuwa kamba kipindi chake kivika cha kusegela mwiisi ino na kuchola kwa Tatake. Yesu kakala yawanogele ng'hani wanhu zake weli mwiisi, kawanogela siku zose.

Yohana 2:3

Divai viimalile, mamake kamulongela Yesu, “Divai imala.”

Yohana 20:13

Wasenga awo wamuuza Malia, “Mama, kolilila choni?” Kawedika, “Wamsegesa Mndewa wangu, na sikujuwile bule kuwamwikile!”

Yohana 20:15

Yesu kamuuza Malia, “Mama, kolilila choni? Komzahila nani?” Malia kagesa munhu ayo kakala mwamizi wa mgunda, avo kamulongela, “Go mkulu, kamba kumsegesa, nongela hanhu haumwikile nyhole nikamsole.”

Yohana 7:30

Abaho walonda kumgoga, lakini kuduhu hata munhu imoja yamgolosele mkono, kwavija saa yake ikala hainavika.

Yohana 7:6

Yesu kawalongela, “Kipindi changu niye hakinavika. Lakini kipindi chochose kinoga kumwenu.

Yohana 7:8

Mweye choleni kuna inyimwilinyimwili. Niye sichola bule, kwavija kipindi changu hakinavika.”

Yohana 8:20

Yesu kalonga gano gose viyakalile kofundiza Mng'anda ya Imulungu, mdigati hakikigwe kiya cha kulavila sadaka. Kuduhu munhu yamgogile, kwavija saa yake ikala hainavika.

2 Wakolinto 5:16

Avo kulawa sambi, hatumgesa munhu kwa kumulola. Hamoja hana kipindi tumgesa Kilisito kwa kumulola, sambi hatutenda vivo kabili.

Kumbukumbu 33:9

Walawi wawaleka tata zao na mama zao, wawasemwa ndugu zao, hawawajuwile hata wanao kwavija wagagoga malagizo gako, na wagoga lagano jako.