Yohana 2:13 - Biblia Kikutu

¹³ Siku da Pasaka ya Wayahudi dikala behi, avo Yesu kachola Yelusalemu.

Yohana 2:13 ပူးပေါင်းရင်းမြစ်များ

Matayo 21:12

Yesu kengila Mng'anda ya Imulungu, kawawinga wanhu wose wakalile ogula na kuchuuza vinhu. Kazibidula meza za wanhu wakalile ovunja sente na vigoda va wanhu wakalile ochuuza njiwa.

Maluko 11:15

Viwavikile Yelusalemu, Yesu kachola kuna Ing'anda ya Imulungu. Kasonga kuwawinga wanhu wose wakalile ogula na kuchuuza vinhu. Kazibidula meza za wanhu wakalile ovunja sente na vigoda va wanhu wakalile ochuuza njiwa.

Luka 19:45

Abaho Yesu kengila Mng'anda ya Imulungu, kasonga kuwawinga wanhu wakalile ochuuza vinhu,

Luka 2:41

Kila mwaka tatake na mamake Yesu wacholaga Yelusalemu kuna inyimwilinyimwili ya Pasaka.

Yohana 11:55

Kipindi cha nyimwilinyimwili ya Pasaka ya Wayahudi kikala behi kuvika, avo wanhu wengi wachola Yelusalemu ili waisunhe, nyimwilinyimwili ing'hali hainavika.

Yohana 13:1

Dikala ding'hali siku dimoja kuvikila nyimwilinyimwili ya Pasaka. Yesu kajuwa kamba kipindi chake kivika cha kusegela mwiisi ino na kuchola kwa Tatake. Yesu kakala yawanogele ng'hani wanhu zake weli mwiisi, kawanogela siku zose.

Yohana 2:23

Yesu viyakalile kudibuga da Yelusalemu kuna inyimwilinyimwili ya Pasaka, wanhu wengi wamtogola viwonile mbuli nyingi za unzonza ziyatendile.

Yohana 5:1

Vigabitile gano, Yesu kachola kudibuga da Yelusalemu kuna inyimwilinyimwili ya Wayahudi.

Yohana 6:4

Kipindi cha nyimwilinyimwili ya Wayahudi ikemigwe Pasaka kikala behi.

Kumbukumbu 16:16

“Wambigalo wose wa isi yenu waiting'hane kuulongozi wa Mndewa Imulungu, Imulungu wenu, miyanza midatu kila mwaka, hanhu aho honda yahasagule. Waiting'hane kipindi cha nyimwilinyimwili ya magate hagageligwe hamila, na nyimwilinyimwili ya mawiki na nyimwilinyimwili ya vibanda. Sikuwachole kuulongozi wa Mndewa Imulungu makono gaiyeka.