Yohana 17:8 - Biblia Kikutu

⁸ Kwavija niwagwaa usenga uunigwelele, na wao waubokela, ojuwa kweli niye nilawa kumwako, na watogola kamba gweye kunhuma.

Yohana 17:8 ပူးပေါင်းရင်းမြစ်များ

Nongezi 1:23

Tegelezeni viniwazuma, nowagidila magesa gangu, nowalongela mbuli zangu.

Nongezi 1:3

zowafunza wanhu kutanga mbuli zili na nzewele, haki na kusang'hana ganogile na kusang'hana kamba viilondeka.

Nongezi 2:1

Mwanangu, wahazitogola mbuli zangu, na kugagoga malagizo gangu,

Nongezi 4:10

Mwanangu, tegeleza na kuzibokela mbuli zangu, ili ukale miyaka mingi.

Nongezi 8:10

Sagula kuzumwa kwangu, badala ya shaba, na kutanga vinhu badala ya zahabu ing'alile.

Matayo 13:11

Yesu kawedika, “Mweye mumweda kuzijuwa mbuli zifisigwe za Undewa wa kuulanga, lakini kumwao awo haili vivo.

Yohana 12:49

Kwavija silongile kwa udahi wangu, lakini Tata yanhumile kanilagiza vinondeka kulonga.

Yohana 14:10

Filipo, vino gweye hutogola kamba nokala mgati mwa Tata na Tata kokala mgati mmwangu? Mbuli ziniwasimulileni hazilawa kumwangu. Tata, yokala mgati mmwangu kosang'hana mwenyego.

Yohana 15:15

Siwakema kabili watumwa, kwavija watumwa hawajuwa kija chootenda mkulu wao. Lakini nowakema mbwiga, kwavija niwalongela kila kinhu kimhulike kwa Tatangu.

Yohana 16:27

kwavija Tata mwenyego kowanogela. Kowanogela kwavija moninogela niye na mutogola kamba ndawa kwa Imulungu.

Yohana 16:30

Sambi tojuwa kamba kujuwa kila kinhu. Hatulonda kuuza mbuli yoyose. Ino yotutenda tukutogole kamba kulawa kwa Imulungu.”

Yohana 17:14

Niwagwelela usenga wako, na wanhu wa mwiisi wawehila, kwavija haweli wanhu wa mwiisi, kamba niye vinili siyo wa mwiisi.

Yohana 17:18

Niwatuma mwiisi, kamba vija gweye viunitumile niye.

Yohana 17:21

Nopula kuwa wose wawe kinhu kimoja. Tata, nopula wawe mgati mmwetu, kamba vija gweye viuli mgati mmwangu na niye mgati mmwako. Nopula wawe kinhu kimoja ili wanhu wa mwiisi watogole kamba kunhuma.

Yohana 17:23

Ino yofambula, niye nokala mgati mmwao na gweye Tata kokala mgati mmwangu. Nopula wawe kinhu kimoja kweli, ili wanhu wa mwiisi wajuwe kamba kunhuma na kuwanogela hewo kamba viuninogela niye.

Yohana 17:3

Uno awo ugima wa milele, wanhu wakujuwe gweye Imulungu uliwiiyeka wa ukweli, na wamjuwe Yesu Kilisito yuumtumile.

Yohana 3:17

Imulungu hamtumile mwanage yeze mwiisi yawataguse wanhu, lakini kamtuma yeze kuwakombola.

Yohana 3:33

Lakini munhu yoyose yozitogola mbuli zake kosindila kamba Imulungu kolonga ukweli.

Yohana 6:68

Simoni Petulo kamwidika, “Mndewa, siye tuchole kwa nani? Gweye kunazo mbuli zigala ugima wa milele.

Yohana 8:42

Yesu kawalongela, “Maza Imulungu yakalile Tata yenu, mwahaninogele, kwavija niza kulawa kwa Imulungu na sambi nabahano. Sizile kwa udahi wangu mwenyego, lakini kanhuma.

1 Wakolinto 11:23

Kwavija nibokela mafundizo kulawa kwa Mndewa niwagwee mweye. Kilo kija Mndewa Yesu viyahindukigwe, kasola gate,

1 Wakolinto 15:1

Ndugu zangu, lelo nolonda kuwakumbusa Mbuli Inogile iniwapetele, na mweye muibokela, Mbuli ayo Inogile acho chandusilo cha kumtamanila kwenu Imulungu.

Kumbukumbu 18:18

Nowenulila mtula ndagu kamba gweye, imoja wa ndugu zao. Niye nogela mbuli zangu mmulomo wake na heyo kowalongela gose gonda nimulagize.

1 Wasesalonike 2:13

Avo, siye togendelela kumgwaa nhogolwa Imulungu, kwavija mweye vimuihulike Mbuli Inogile kulawa kumwetu muitogola kamba usenga wa Imulungu siyo kamba usenga wa wanhu, kwavija mbuli ya Imulungu ayo isang'hana mgati mmwenu mweye mutogole.

1 Wasesalonike 4:1

Lelo, ndugu zangu, muifunza kulawa kumwetu vija vimulondigwa kumnogeza Imulungu na vivo vimukala. Na sambi towamba kuwapula kwa twaga da Mndewa Yesu mutende vinogile kubanza aho.

1 Yohana 4:14

Siye tuwona na kuwalongela wanhu wayagwe kamba Tata kamtuma Mwanage yawe Mkombola wa wanhu wa mwiisi.

Ugubulo 1:1

Uno awo ugubulo wa Yesu Kilisito, Imulungu kamgwaa yawalagusile wasang'hanaji zake, mbuli zija zonda zilawilile vino sambi. Kilisito kamtuma msenga wake wa kuulanga yamulongele Yohana msang'hanaji wake mbuli azo.