Yohana 17:6 - Biblia Kikutu

⁶ “Niditenda twaga jako dijuwike kwa wanhu waja waunigwelele mwiisi. Wakala wanhu wako na gweye kungwaa niye, wao waigoga mbuli yako.

Yohana 17:6 ပူးပေါင်းရင်းမြစ်များ

Zabuli 119:11

Mmoyo wangu niika mbuli yako, ili sikunikutende nzambi.

Zabuli 22:22

Nowasimulila ndugu zangu twaga jako, mna umting'hano nokutogola.

Kulawa 9:16

Lakini niwaleka muwe wagima kulagusa udahi wangu avo wanhu wose wa mwiisi wadijuwe twaga jangu.

Nongezi 2:10

Kwavija ubala okwingila muumoyo wako, na kutanga vinhu koinogeza loho yako,

Nongezi 23:23

Gula ukweli, sambi uuchuuze, gula ubala na mafundizo na nzewele,

Yohana 1:18

Kuduhu munhu yamonile Imulungu, lakini Imwana yaiyeka yaigalile na Imulungu na kuilumba na Tata, ayo yatutendile tumjuwe Imulungu.

Yohana 12:28

Tata, uditogole twaga jako!” Abaho sauti ihulikigwa kulawa kuulanga, “Niditogola, na notenda vivo kabili.”

Yohana 15:19

Maza muli wanhu wa mwiisi, baho wanhu wa mwiisi wahawanogele mweye kamba wanhu wa kumwao. Lakini niwasagula mweye hagati ya wanhu wa mwiisi, na hamwili wanhu wa mwiisi, lekaavo wanhu wa mwiisi owehila.

Yohana 15:3

Mweye mung'ala mwaka kwa mafundizo ganiwagwelele.

Yohana 15:7

Mwahakala mgati mmwangu na mbuli zangu zahakala mgati mmwenu, baho puleni chochose kimulonda, na mweye mogweleligwa.

Yohana 17:12

Ving'halile hamoja nao niweka goya kwa udahi wa twaga jako diunigwelele. Niweka goya na kuduhu hata munhu imoja yapotele, ila munhu ija yasaguligwe kupotela, ili Maandiko Gang'alile galawilile.

Yohana 17:14

Niwagwelela usenga wako, na wanhu wa mwiisi wawehila, kwavija haweli wanhu wa mwiisi, kamba niye vinili siyo wa mwiisi.

Yohana 17:16

Kamba vija niye vinili siyo wa mwiisi, na awo vivija haweli wa mwiisi.

Yohana 17:2

Kwavija kumgwaa Mwanago udahi kwa wanhu wose, ili yawagwee ugima wa milele.

Yohana 17:24

“Tata, kunigwaa wao. Nolonda wao wakale hamoja na niye aho hanili, ili wawone ukulu wangu. Uno awo ukulu uunigwelele kwavija kuninogela isi ing'hali hainalumbigwa.

Yohana 17:26

Nhenda wao wakujuwe, na nogendelela kutenda vivo, ili unogelwa uli nao kumwangu ukale mgati mmwao, ili na niye ng'hale mgati mmwao.”

Yohana 17:7

Sambi ojuwa vinhu vose viunigwelele volawa kumwako.

Yohana 18:9

Kalonga vino ili kija kiyalongile kilawilile, “Tata, wanhu waja waunigwelele simwagize hata imoja.”

Yohana 6:37

Wose iwonigwelela Tatangu okwiza kumwangu. Na niye simwasa kunze munhu yoyose yokwiza kumwangu,

Yohana 6:39

Gano gago goyolonda ija yanhumile sikunimwagize hata imoja mna iwaja wose yangwelele, lakini nolondigwa niwazilibule wose na kuwagwaa ugima siku ya kimambukizo.

Yohana 8:51

Nowalongeleni ukweli, munhu yoyose yotogola mafundizo gangu honda yafe bule.”

Yohana 8:52

Avo, Wayahudi wamulongela, “Sambi tojuwa kamba gweye kuna kinyamkela! Abulahamu kafa, na watula ndagu wa Imulungu wafa, abaho gweye kolonga yoyose yotogola mafundizo gako honda yafe bule.

Sang'hano 13:48

Wanhu haweli Wayahudi viwahulike avo, wadeng'helela na walonga usenga wa Mndewa unoga, na wanhu wose wasaguligwe kuupata ugima wa milele wamtogola Yesu.

Walumi 11:2

Imulungu hawalemile bule wanhu zake, yawasagule toka mwaka. Vino hamujuwile bule Maandiko Gang'alile vigalonga mbuli ya Eliya viyamuyalalile Imulungu mbuli ya wanhu wa Izilaeli?

2 Wakolinto 4:6

Imulungu yalongile, “Mulenge umwemwese kulawa mdiziza!” Ayo yatendile mulenge wake umwemwese mmizoyo yetu, katugwelela mulenge wa nzewele za ukulu wa Imulungu mkihanga cha Yesu Kilisito.

Wakolosai 3:16

Usenga wa Kilisito umeme mmizoyo yenu. Ifunzeni na muizume kwa nzewele zose. Mwimbe zabuli na nyila za kumtogola na kumtambikila Imulungu. Mwimbileni Imulungu wenu kwa kumgwaa nhogolwa mmizoyo yenu.

2 Timoseo 1:13

Zigoge mbuli za ukweli zinikufundize kamba kinhu kinogile cha kukweleleza, na usigale mna ukutamanila na unogelwa uli mna ukuilumba na Yesu Kilisito.

Waebulania 2:12

Kalonga kwa Imulungu, “Nowalongela ndugu zangu kiutendile, muumting'hano wao nokwimbila nyila za kukutogola.”

Waebulania 3:6

Lakini heyo Kilisito kotamaniligwa kamba Mwana yeli na udahi kwa wanhu weli ng'anda ya Imulungu. Siye wao ng'anda yake kamba twahagendelela kuwa magalu na kugangamala mna iditamanilo dituigodela.

1 Petulo 1:1

Niye Petulo namtumigwa wa Yesu Kilisito, nowandikila mweye wanhu musaguligwe na Imulungu, mupwililike na mokala kamba wanhu baki mziisi za Ponto na Galatia na Kapadokia na Asiya na Bisiniya.

1 Yohana 5:20

Vivija tojuwa kamba Mwana wa Imulungu keza, katutenda tumjuwe Imulungu wa kweli, tukale mna ukuilumba na Imulungu wa kweli, mna ukuilumba na mwanage, Yesu Kilisito. Heyo yuyo Imulungu wa kweli na yuyo ugima wa milele.

Ugubulo 2:13

Nihajuwa hanhu aho houkala, aho kili kigoda cha undewa wa Mwenembago. Lakini gweye kwa mkweli kumwangu, hulekile bule kunitamanila hata mna ikipindi kija munhu wangu Antipasi yotamaniligwa mna ikila kiyolonga, viyakomigwe aho hakili kigoda cha Mwenembago.

Ugubulo 3:10

Kwavija gweye kudigoga lagizo jangu da kufunga umoyo, na niye nokuhonya na magayo gonda geze mwiisi yose, kuwageza wanhu wose okala mwiisi.

Ugubulo 3:8

Niijuwa kila mbuli yuusang'hana, nivugula lwivi mgameso gako na kuduhu munhu yodaha kuhinda. Njuwa goya kamba hamoja kuduhu nguvu ng'hani, lakini kuigoga mbuli yangu na hudilemile bule twaga jangu.