Yohana 17:3 - Biblia Kikutu

³ Uno awo ugima wa milele, wanhu wakujuwe gweye Imulungu uliwiiyeka wa ukweli, na wamjuwe Yesu Kilisito yuumtumile.

Yohana 17:3 ပူးပေါင်းရင်းမြစ်များ

Zabuli 9:10

Wose odijuwa twaga jako okutamanila, kwavija gweye Mndewa Imulungu huwasemwile bule wose okwizila.

Nongezi 8:35

Yomhata niye kapata ugima, konogeligwa na Mndewa Imulungu.

Maluko 9:37

“Munhu yoyose yombokela mwana mdodo kamba ino kwa twaga jangu, kombokela niye, na munhu yoyose yombokela niye hambokela niye niiyeka vivija kombokela ija yanhumile.”

Luka 9:48

Abaho kawalongela wanahina zake, “Munhu yoyose yombokela mwana ino kwa twaga jangu, konibokela niye, na munhu yoyose yombokela niye, kombokela ija yanhumile. Kwavija munhu yeli mdodo vimwili, ayo munhu mkulu kubanza wose.”

Yohana 10:36

Kamba viili kumwangu, Tata kanisagula na kanhuma mwiisi. Yokuwaze kabili mweye molonga nomkudula kwavija nonga niye na Mwana wa Imulungu?

Yohana 11:42

Nojuwa kamba siku zose konhegeleza, lakini nolonga vino mbuli ya wanhu weli hano, ili watogole gweye kunhuma.”

Yohana 14:26

Tatangu kowagalila Mtazaji, Loho Yang'alile kwa twaga jangu, kowafundiza vinhu vose na kuwakumbusa gose ganiwalongele.

Yohana 17:18

Niwatuma mwiisi, kamba vija gweye viunitumile niye.

Yohana 17:21

Nopula kuwa wose wawe kinhu kimoja. Tata, nopula wawe mgati mmwetu, kamba vija gweye viuli mgati mmwangu na niye mgati mmwako. Nopula wawe kinhu kimoja ili wanhu wa mwiisi watogole kamba kunhuma.

Yohana 17:23

Ino yofambula, niye nokala mgati mmwao na gweye Tata kokala mgati mmwangu. Nopula wawe kinhu kimoja kweli, ili wanhu wa mwiisi wajuwe kamba kunhuma na kuwanogela hewo kamba viuninogela niye.

Yohana 17:25

Tata Unogile, wanhu wa mwiisi hawakujuwile, lakini niye nikujuwa, na wano ojuwa kamba kunhuma.

Yohana 17:8

Kwavija niwagwaa usenga uunigwelele, na wao waubokela, ojuwa kweli niye nilawa kumwako, na watogola kamba gweye kunhuma.

Yohana 3:17

Imulungu hamtumile mwanage yeze mwiisi yawataguse wanhu, lakini kamtuma yeze kuwakombola.

Yohana 3:34

Heyo yatumigwe na Imulungu kolonga mbuli za Imulungu, kwavija Imulungu kamgwaa ng'hani Loho wake Yang'alile.

Yohana 5:44

Munogelwa kubokela nhogolwa kulawa mweye kwa mweye, lakini hamulonda kupata nhogolwa kulawa kwa heyo yeli Imulungu yaiyeka, vino modahaze kunhogola niye?

Yohana 6:57

Tata yeli mgima yanhumile, na kwa mbuli yake niye vivija mgima. Vivo vonda iwe munhu yoyose yoluja lukuli lwangu kokuwa mgima mbuli ya niye.

Yohana 7:29

lakini niye nimjuwa, kwavija nolawa kumwake, nayo kanhuma.”

Yohana 8:19

Wamuuza, “Tatako kakwahi?” Yesu kawedika, “Hamnijuwile niye hebu Tatangu. Maza munijuwile niye, vivija mwahamjuwile Tatangu.”

1 Wakolinto 15:34

Muwe na nzewele na muleke kutenda nzambi, kwavija wanhu wayagwe kumwenu hawamjuwile Imulungu, na nolonga vino kuwagela kinyala.

1 Wakolinto 8:4

Avo mbuli ya kuja ndiya ilavigwe nhosa kwa vinyago va imilungu, tojuwa vinyago siyo kinhu chochose mwiisi, tojuwa Imulungu imoja yaiyeka.

2 Wakolinto 4:6

Imulungu yalongile, “Mulenge umwemwese kulawa mdiziza!” Ayo yatendile mulenge wake umwemwese mmizoyo yetu, katugwelela mulenge wa nzewele za ukulu wa Imulungu mkihanga cha Yesu Kilisito.

Wafilipi 3:10

Niye nolonda kumjuwa Kilisito na udahi wake wa kuzilibuka na kugaya nayo na kuigala nayo mwiiifa yake,

Wafilipi 3:8

Siyo gago gaiyeka, ila nokona kila kinhu hakifaya, mbuli ya unovu wa kumjuwa Yesu Kilisito Mndewa wangu. Mbuli yake nhogola kwasa kila kinhu, nigona gago gose kamba mavi, ili nimpate Kilisito.

1 Wasesalonike 1:9

Avo wanhu wose olonga mbuli ya mwanza wetu kumwenu vija vimutubokele na vija vimulekile kutambikila minyago na kumbwelela na kumsang'hanila Imulungu wa ukweli, yeli mgima,

2 Wasesalonike 1:8

Na kokwiza na moto ukwaka, kuwatagusa waja wamulemile Imulungu na waja iwolema kuigoga Mbuli Inogile ya Mndewa wetu Yesu.

Waebulania 3:1

Avo, ndugu zangu wanhu wa Imulungu na vivija mukemigwe na Imulungu! Gelegezeni mbuli ya Yesu yatumigwe na Imulungu yawe Mulava nhosa Mkulu wa tamanilo ditutogola.

2 Petulo 1:2

Ng'hekewa na tindiwalo vimeme ng'hani kumwenu, kwa nzewele ya Imulungu na Yesu Mndewa wetu.

2 Petulo 1:3

Kwa udahi wa Imulungu katugwaa kila kinhu kitulonda muugima wetu wa kutenda goyolonda, kubitila kumjuwa kwetu heyo yatukemile tuwe na fungu muukulu wake na ganogile gake.

2 Petulo 1:8

Kamba mokuwa mumema vinhu vose avo, honda muwe wanyeke ila modaha kutenda ganogile mna ukumjuwa Mndewa wetu Yesu Kilisito.

1 Yohana 1:2

Ugima uno viulawilile siye tuwona, na sambi tolonga kija kituwone, na towapetela mweye ugima uno wa milele, ukalile hamoja na Tata na ulagusigwa kumwetu.

1 Yohana 1:3

Towapetela kija kituwone na kituhulike, ili na mweye vivija muilumbe na siye mna ukuilumba kwetu na Tata na Mwanage Yesu Kilisito.

1 Yohana 2:23

Munhu yoyose yombela Mwana, vivija kombela Tata, na munhu yoyose yomtogola Mwana, vivija komtogola Tata.

1 Yohana 4:6

Lakini siye twa wanhu wa Imulungu, munhu yoyose yomjuwa Imulungu kotutegeleza siye, lakini munhu heli wa Imulungu hatutegeleza. Vivo vitujuwa mbuli ya Loho wa kweli na loho wa uvizi.

1 Yohana 5:20

Vivija tojuwa kamba Mwana wa Imulungu keza, katutenda tumjuwe Imulungu wa kweli, tukale mna ukuilumba na Imulungu wa kweli, mna ukuilumba na mwanage, Yesu Kilisito. Heyo yuyo Imulungu wa kweli na yuyo ugima wa milele.