Yohana 17:19 - Biblia Kikutu

¹⁹ Mbuli yao noilava mwenyego kumwako, ili na wao vivija wailave ukweli kumwako.

Yohana 17:19 ပူးပေါင်းရင်းမြစ်များ

Kupetigwa 7:15

bofu bigalo da ng'ombe, ng'hondolo wa kimbigalo imoja na mwana ng'hondolo wa kimbigalo yeli na mwaka umoja, mbuli ya nhosa ya kusoma moto,

Yohana 10:36

Kamba viili kumwangu, Tata kanisagula na kanhuma mwiisi. Yokuwaze kabili mweye molonga nomkudula kwavija nonga niye na Mwana wa Imulungu?

Yohana 15:13

Kuduhu unogelwa mkulu kubanza uno, wa munhu kuulava ugima wake mbuli ya mbwiga zake.

Yohana 15:3

Mweye mung'ala mwaka kwa mafundizo ganiwagwelele.

Yohana 17:17

Uwatende wang'ale kwa kweli, mbuli yako ayo kweli.

Yohana 17:20

“Siwapulila wao waiyeka bule, lakini na waja wose onda wanhogole niye mbuli ya usenga wao onda wawapetele.

1 Wakolinto 1:2

towandikila mweye wanhu wa Imulungu muli kudibuga da Kolinto. Mweye mose mukemigwe muwe wanhu wang'alile wa Imulungu, mweye mwa wanhu wa Imulungu kwa kuilumba na Yesu Kilisito, hamoja na wanhu wose weli kila hanhu omgwaa ukulu Mndewa wetu Yesu Kilisito, Mndewa wao na vivija Mndewa wetu.

2 Wakolinto 4:15

Kwavija gano gose kwa sama ya mweye, ili ng'hekewa ya Imulungu iwavikile wanhu bwando, itende wamtogole Imulungu na wamgwelele ukulu.

2 Wakolinto 7:14

Mbuli ya mweye niye niigoda ng'hani kumwake, na hamungelile kinyala bule. Siku zose tuwalongela ukweli, na vivija kuigoda kwetu kwa Tito mbuli ya mweye kulagusa ukweli wiiyeka.

2 Wakolinto 8:9

Kwavija muijuwa ng'hekewa ya Mndewa wetu Yesu Kilisito, hamoja kakala na kila kinhu, lakini kaitenda mkiwa mbuli yenu mweye, ili kubitila ukiwa wake mweye muwe na kila kinhu.

Wakolosai 1:6

Mbuli ino Inogile yokwenela mwiisi yose na yowagalusa wanhu watende ganogile, kamba viitendile kumwenu toka siku dija vimuihulike na kuujuwa ukweli wa ng'hekewa ya Imulungu.

1 Wasesalonike 4:7

Imulungu hatukemile bule tukale muugoni, ila tung'ale.

2 Timoseo 2:10

Avo nofunga umoyo kila kinhu mbuli ya wanhu wasaguligwe na Imulungu, ili wapate ukombola ulawa kwa Yesu Kilisito na kugala ukulu wa milele.

Tito 2:14

Yesu kailava mwenyego mbuli yetu ili yatulekese kulawa mna izinzambi na kututenda wanhu wanogile weli wake mwenyego, wanhu osulukila kutenda ganogile.

Waebulania 10:29

Vino, yokuwa vilihi wanhu waja ombezeli Mwana wa Imulungu? Munhu iyogesa kamba kinhu kidodo damu ya lagano da Imulungu isunhile nzambi zake, munhu yomulonga vihile Loho wa Imulungu yotugwaa ng'hekewa. Geseni nhaguso yonda yaipate munhu ayo yobanza ukwiha!

Waebulania 2:11

Yesu kowasunha wanhu nzambi zao, heyo hamoja na iwaja wasunhigwe, wose Tatao imoja. Lekaavo Yesu hakona kinyala kuwakema ndugu zake.

Waebulania 9:13

Damu ya mbuzi na ng'ombe na mitozi ya bofu da ng'ombe vomizwa kwa wanhu wafitile na kuwasunha ukufita kwao mulukuli lwiiyeka.

Waebulania 9:18

Lekaavo lagano da ichanduso, hadisongile kusang'hana bila damu.

Waebulania 9:26

kwavija yahalondeke kugaya miyanza mingi toka kulumbigwa kwa isi. Lakini ukweli kipindi cha mmabehi na kuuhelelo, kalawilila mwanza umoja mbuli ya wose, kusegesa nzambi za wanhu kwa kuilava nhosa mwenyego.

1 Yohana 3:18

Wanangu, unogelwa wetu sikuuwe kwa mulomo wiiyeka, ila uwe unogelwa wa kweli na ulagusigwe kwa kusang'hana.

1 Yohana 3:3

Munhu yoyose yomtamanila Kilisito koisunha, kamba vija Kilisito viyaisunhile.