Yohana 17:12 - Biblia Kikutu

¹² Ving'halile hamoja nao niweka goya kwa udahi wa twaga jako diunigwelele. Niweka goya na kuduhu hata munhu imoja yapotele, ila munhu ija yasaguligwe kupotela, ili Maandiko Gang'alile galawilile.

Yohana 17:12 ပူးပေါင်းရင်းမြစ်များ

Zabuli 41:9

Hata mbwigangu wa kisima, heyo inimtamanila, ayo yajaga ndiya yangu, hata heyo kononga vihile.

Yohana 13:18

“Silonga mweye mose, niwajuwa waja waniwasagule. Lakini Maandiko Gang'alile galongile vino galawilile, ‘Munhu ija inidile na heyo ndiya yangu konihinduka.’

Yohana 17:6

“Niditenda twaga jako dijuwike kwa wanhu waja waunigwelele mwiisi. Wakala wanhu wako na gweye kungwaa niye, wao waigoga mbuli yako.

Yohana 18:9

Kalonga vino ili kija kiyalongile kilawilile, “Tata, wanhu waja waunigwelele simwagize hata imoja.”

Yohana 6:37

Wose iwonigwelela Tatangu okwiza kumwangu. Na niye simwasa kunze munhu yoyose yokwiza kumwangu,

Sang'hano 1:25

yakusang'hanile muutumigwa yaulekile Yuda, yalemelwe kuchola hanhu hayalondeke.”

Wafilipi 2:9

Lekaavo Imulungu kamwinula mbaka uchanha ng'hani, kamgwaa twaga kulu kubanza matwaga gose.

2 Wasesalonike 2:3

Sikumutogole munhu yoyose yawavizile kwa kinhu chochose. Kwavija siku ayo hondaize mbaka tanhu wanhu bwando wamuleme ng'hani Imulungu na ayo yehile yoneke, ayo yekigwe kwa kubanangigwa.

Waebulania 2:13

Vivija kalonga, “Nomtamanila Imulungu.” Na kagendelela kulonga, “Niye na hano hamoja na wanhu nigweleligwe na Imulungu, wawe wanangu.”

1 Yohana 2:19

Wanhu awo walawa mna ikibumbila chetu lakini hawalawile kweli mna kibumbila chetu, kwavija maza walawile mkibumbila chetu, wahasigale hamoja na siye, lakini kusegela kwao kolagusa kamba hawakalile hamoja na siye.

Ugubulo 19:12

Meso gake kamba lambi da moto, na kavala mataji mengi mdipala jake. Kakala yandikigwe twaga, kuduhu yoyose yadijuwile ila heyo mwenyego yaiyeka.