Yohana 17:11 - Biblia Kikutu

¹¹ Sambi nokwiza kumwako, sili mwiisi kabili lakini awo wa mwiisi. Tata Ung'alile, weke goya kwa udahi wa twaga jako diunigwelele wadahe kuwa kinhu kimoja kamba vija gweye na niye vitwili kinhu kimoja.

Yohana 17:11 ပူးပေါင်းရင်းမြစ်များ

Zabuli 79:9

Imulungu mkombola wetu ututaze, mbuli ya ukulu wa twaga jako, tukombole na uzigele kumgongo nzambi zetu mbuli ya twaga jako.

Nongezi 18:10

Twaga da Mndewa Imulungu ayo ngome igangamale, yeli na haki koikimbilila yakawe na tindiwalo.

Matayo 10:16

“Nowatuma kamba ng'hondolo hagati ya mbwizi. Avo muwe wabala kamba zoka na wahole kamba huwa.

Matayo 5:48

Molondigwa mutelele kamba Tataenu yeli kuulanga viyatelele.

Matayo 6:9

Lakini mweye puleni vino, ‘Tataetu uli kuulanga, twaga jako ditogoligwe,

Yohana 13:1

Dikala ding'hali siku dimoja kuvikila nyimwilinyimwili ya Pasaka. Yesu kajuwa kamba kipindi chake kivika cha kusegela mwiisi ino na kuchola kwa Tatake. Yesu kakala yawanogele ng'hani wanhu zake weli mwiisi, kawanogela siku zose.

Yohana 13:3

Yesu kajuwa kamba Tata kamgwaa vinhu vose mmakono gake. Na kajuwa kamba kalawa kwa Imulungu na kochola kwa Imulungu.

Yohana 14:20

Siku ayo yahavika, mojuwa kamba namgati mwa Tatangu, na mweye mwa mgati mmwangu, na niye na mgati mmwenu.

Yohana 16:28

Ndawa kwa Tata na niza mwiisi, na sambi nosegela mwiisi, nochola kwa Tata.”

Yohana 16:33

Niwalongela gano gose, ili kwa kubandagala mmwangu mkale moyo uholile. Mwiisi mnago madununzo, lakini fungeni umoyo! Niye niihuma isi!”

Yohana 17:23

Ino yofambula, niye nokala mgati mmwao na gweye Tata kokala mgati mmwangu. Nopula wawe kinhu kimoja kweli, ili wanhu wa mwiisi wajuwe kamba kunhuma na kuwanogela hewo kamba viuninogela niye.

Yohana 17:25

Tata Unogile, wanhu wa mwiisi hawakujuwile, lakini niye nikujuwa, na wano ojuwa kamba kunhuma.

Yohana 17:6

“Niditenda twaga jako dijuwike kwa wanhu waja waunigwelele mwiisi. Wakala wanhu wako na gweye kungwaa niye, wao waigoga mbuli yako.

Yohana 7:33

Yesu kalonga, “Nokala na mweye kipindi kidodo, na abaho nochola kumwake ija yanhumile.

Sang'hano 3:21

Kolondigwa yasigale kuulanga mbaka kipindi kivike cha kugatenda gose gawe ga sambi, kamba viyalongile Imulungu kubitila watula ndagu zake wang'alile wakalile kuko umwaka.

Walumi 12:5

Vivo ili kumwetu siye, hamoja twa wengi, twa maungo mulukuli lwa Kilisito, na kila imoja wetu ni maungo ga miyage.

Walumi 9:17

Kwavija Maandiko Gang'alile gomulongela vino Falao, “Niye nikutenda mndewa, ili kubitila gweye ndaguse udahi wangu na twaga jangu dijuwike mwiisi yose.”

1 Wakolinto 1:10

Ndugu zangu, nowapula kwa twaga da Mndewa wetu Yesu Kilisito, muitogolele mbuli yoyose yumulonga, ili sikumuigole mweye kwa mweye. Muilumbe goya na mugese dimoja na mulonde kinhu kimoja.

Wagalatia 3:28

Avo kwa kuilumba na Yesu Kilisito wanhu wose kuduhu kuibagula. Kuduhu Wayahudi na Wagiliki, kuduhu watumwa na wanhu wakomboligwe, kuduhu wambigalo na watwanzi, wose kinhu kimoja.

Waefeso 4:4

Kuna lukuli lumoja na Loho imoja, kamba vija vikuli na tamanilo dimoja dimukemeligwe na Imulungu.

Wafilipi 2:9

Lekaavo Imulungu kamwinula mbaka uchanha ng'hani, kamgwaa twaga kulu kubanza matwaga gose.

Waebulania 1:3

Heyo ayo mng'alo wa ukulu wa Imulungu na koigala na Imulungu too! Kila kinhu cholawilila kwa lagizo jake dili na nguvu. Viyamambukize kuzisunha nzambi za wanhu, kakala kuna uukulu kuko kuulanga mwambu wa mkono wa kudila wa Imulungu mkulu.

Waebulania 9:24

Kwavija Kilisito hengile Mdigati Ding'alile dizengigwe na wanhu, dili kilaguso cha kija chenyego kili kuulanga lakini kengila kuulanga kwenyego, ako sambi ka haulongozi ha Imulungu kokoneka mbuli ya siye.

Yakobo 4:4

Mweye wanhu hamutamaniligwa! Vino hamujuwile bule kamba kuinogela isi ino kuko kuihila na Imulungu? Munhu yoyose yoinogela isi ino koihila na Imulungu.

1 Petulo 1:5

Mweye vivija mokalizigwa kwa udahi wa Imulungu, kubitila kutamanila kwenu ili mupate ukombola wenu wikigwe kwa kugubuligwa kipindi cha uhelelo.

1 Yohana 3:12

Sikumuigale na Kaini, yalongozigwe na ija Imdumuka, na kamkoma ndugu yake Habili. Vino habali kamkoma? Kwavija gaja gayakalile yosang'hana geha, lakini gaja gayasang'hane ndugu yake gakala ganogile mgameso ga Imulungu.

1 Yohana 5:19

Tojuwa kamba siye twa wana wa Imulungu na wanhu wose wayagwe mwiisi otawaligwa na ija Imdumuka.

Yuda 1:1

Niye Yuda, namtumwa wa Yesu Kilisito na mdodo wake Yakobo, nowandikila mweye mose mukemigwe na kunogelwa na Imulungu Tata na mwikigwa goya na Yesu Kilisito.

Yuda 1:24

Kumwake heyo yodaha kuwakaliza sikumugwe na yodaha kuwagala haulongozi wake kuno mung'ala na bila kitala na ndeng'helelo ng'hulu.

Ugubulo 15:4

Vino nani yoleka kukudumba gweye Mndewa? Vino nani yoleka kudigwaa ukulu twaga jako? Gweye wiiyeka ayo ung'alile. Wanhu wa isi zose okwiza kumwako na kukutambikila, kwavija kulagusa kotagusa bila kubagula.”

Ugubulo 19:12

Meso gake kamba lambi da moto, na kavala mataji mengi mdipala jake. Kakala yandikigwe twaga, kuduhu yoyose yadijuwile ila heyo mwenyego yaiyeka.

Ugubulo 4:8

Viumbe avo vine vili na ugima vikala na mabawa sita kila kimoja, gamemile meso kunze na mgati. Kuduhu kubwihila, imisi na ikilo vokwimba, “Kang'ala, kang'ala, kang'ala, Mndewa Imulungu yeli na Udahi wose, yakalile baha, yeli baha, na yonda yawe baha.”