Yohana 16:20 - Biblia Kikutu

²⁰ Nowalongeleni ukweli, mweye molila na kona usungu, lakini wanhu wa mwiisi odeng'helela. Mweye monyunyuwala, lakini kunyunyuwala kwenu kogalamuka kudeng'helela.

Yohana 16:20 ပူးပေါင်းရင်းမြစ်များ

Yakobo 1:2

Ndugu zangu deng'heleleni, mwahagezigwa miyanza mingi,

Matayo 5:4

Wamweda wanhu waja onyunyuwala, kwavija Imulungu kowahoza!

2 Wakolinto 6:10

Tunyunyuwala lakini siku zose todeng'helela, twa wakiwa lakini towatenda wanhu bwando wawe wagoli, tokoneka twabule kinhu lakini kila kinhu chetu.

Maluko 16:10

Nayo kachola kuwalongela waja wakalile na Yesu, wakala wang'hali oiyalala na kulila.

Yuda 1:24

Kumwake heyo yodaha kuwakaliza sikumugwe na yodaha kuwagala haulongozi wake kuno mung'ala na bila kitala na ndeng'helelo ng'hulu.

Luka 24:21

Na siye tutamanila kamba heyo ayo yonda yawakombole wanhu wa Izilaeli! Lakini lelo siku ya kadatu toka zilawilile mbuli zino.

Zabuli 30:11

Gweye kuhindula kuiyalala kwangu kamba ngoma ya deng'ho. Kunisegesela giogio jangu, kunizungulusila deng'ho.

Zabuli 30:5

Ng'hasiliki yake yokala kwa siku ndodo, kunoga kwake kumwetu kokala siku zose. Kililo chodaha kukala kilo chose, lakini imitondo modeng'ha.

Wagalatia 5:22

Lakini muugima wa munhu yolongozigwa na Loho wa Imulungu vinhu vino vokoneka mgati mmwake, unogelwa na deng'ho na tindiwalo na kufunga umoyo na bazi na moyo unogile na kutenda kija kiyalongile,

Walumi 5:11

Lakini siyo gago gaiyeka, vivija wose todeng'helela mbuli ya gaja gayatendile Imulungu kubitila Mndewa wetu Yesu Kilisito, yatutendile tuilumbe na Imulungu.

Luka 24:17

Yesu kawalongela, “Mosimulila usheha gani kuno mogenda?” Nao wema wanyamala tuluu, na vihanga vao vigela bazi kwa kunyunyuwala.

Luka 23:27

Lunhu mkulu lwa wanhu lumkweleleza, mmwanza awo wakala watwanzi wayagwe wakalile omulilila na kuiyalala.

Ugubulo 18:7

Mgweeni usungu na magayo makulu, kamba viyakalile kwa ugima wa kubwihila ng'hani na kuitapa. Kwavija kalonga muumoyo wake, ‘Niye nokala kamba malikia! Niye sili mgane, na niye sikujuwile bule kuiyalala!’

Ugubulo 11:10

Wanhu okala mwiisi oideng'helela ifa ya wanhu awo wabili. Otenda nyimwilinyimwili na kuigwaa nhunza, kwavija watula ndagu awo wabili wawagaza ng'hani wanhu wa mwiisi.

Sang'hano 5:41

Watumigwa viwasegele mkitala, wakala na deng'ho kwavija Imulungu katogola wageligwe kinyala mbuli ya twaga da Yesu.

Yohana 16:33

Niwalongela gano gose, ili kwa kubandagala mmwangu mkale moyo uholile. Mwiisi mnago madununzo, lakini fungeni umoyo! Niye niihuma isi!”

Yohana 16:6

Kwavija niwalongela gano gose, mizoyo yenu inyunyuwala ng'hani.

Luka 22:62

Petulo kalawa kunze kalila kwa usungu.

Luka 22:45

Viyamambukize kumpula Imulungu, kabwela kwa wanahina zake, kawavika okuluza kwavija wakala wadonhile mbuli ya kunyunyuwala.

Luka 6:21

Mmweda mweye muli na nzala sambi, kwavija mokwiguta! Mmweda mweye mulila sambi, kwavija modeng'helela!”

Maluko 14:72

Bahaja nzogolo keka mwanza wa kabili, baho Petulo kakumbuka mbuli ziyalongeligwe na Yesu, “Nzogolo yang'hali hanakwika miyanza mibili, konibela miyanza midatu.” Avo Petulo kasonga kulila.

Zabuli 97:11

Mulenge umwizila mwene haki, na deng'ho dimwizila munhu mwene moyo unogile.

1 Wasesalonike 1:6

Mweye mukweleleza vitutendile siye na vija viyatendile Mndewa, hata kamba mugaya ng'hani, muubokela usenga awo kwa deng'ho dilawa kwa Loho Yang'alile.

Yohana 20:20

Viyamambukize kulonga avo, kawalagusila makono gake na lubavu lwake. Wanahina viwamone Mndewa wadeng'helela.

Matayo 21:38

Lakini walimaji viwamonile mwanage, wailongela, ‘Ino ayo muhazi lekeni tumkome na tusole uhazi wake!’