Yohana 15:8 - Biblia Kikutu

⁸ Ukulu wa Tatangu olagusigwa kamba mweye mwahalela matunda mengi, na mokuwa wanahina zangu.

Yohana 15:8 ပူးပေါင်းရင်းမြစ်များ

Matayo 5:16

Vivo ili kumwenu mweye, mulenge wenu uwamwemwesele wanhu wagone gaja ganogile gomtenda ili wamtogole Tataenu yeli kuulanga.

Matayo 5:44

Lakini niye nowalongeleni, wanogeleni wanhu owehila na wapulileni kwa Imulungu waja owadununza,

Matayo 9:8

Wanhu viwonile avo, wadumba, wamtogola Imulungu kwa kuwagwaa wanhu udahi awo.

Luka 6:35

Lakini mweye wanogeleni waja omwihileni na muwatendele ganogile, muwakopeshe wanhu bila kutamanila kubwezeligwa. Abaho nhunza yenu yokuwa ng'hulu, na mweye mokuwa wana wa Imulungu yeli Uchanha Ng'hani. Kwavija heyo kanoga kwa waja welibule nhogolwa kumwake na wanhu otenda nzambi.

Yohana 13:35

Mwahainogela, baho kila munhu kojuwa kamba mweye mwa wanahina zangu.”

Yohana 15:5

“Niye na mzabibu, na mweye mwa matambi. Waja okala mgati mmwangu na niye mgati mmwao, olela ng'hani matunda kwavija mweye hamudaha kutenda mbuli yoyose bila niye.

Yohana 8:31

Avo Yesu kawalongela Wayahudi waja wamtogole, “Kamba mwahatogola mafundizo gangu, mwa wanahina zangu kweli.

1 Wakolinto 10:31

Avo chochose kimutenda, iwe kuja hebu kung'wa, gose tendeni mbuli ya ukulu wa Imulungu.

1 Wakolinto 6:20

kwavija muguligwa kwa bei ng'hulu. Avo zisang'hanileni ng'huli zenu kwa ukulu wa Imulungu.

Wafilipi 1:11

Baho mutende mbuli zinogile mgameso ga Imulungu, mbuli azo zolawa kwa Yesu Kilisito yaiyeka, ili wanhu wose wamgwee Imulungu ukulu na nhogolwa.

Tito 2:10

hebu kuwebila vinhu vao, lakini walaguse wanoga na kutamaniligwa kwa sang'hano zao zose, ili mafundizo ga Imulungu Mkombola wetu gagweleligwe nhogolwa na wanhu.

Tito 2:5

wailongoze vinogile, wang'ale, walolese kae zao, wawategeleze wakasano zao, ili usenga wa Imulungu sikuulongigwe vihile.

1 Petulo 2:12

Mkale goya na wanhu hawamtegeleza Imulungu, hamoja owalonga vihile kamba motenda gehile, wagone gaja ganogile gomsang'hana na wamgwelele ukulu Imulungu mwiisiku ya kwiza kwake.

1 Petulo 4:11

Munhu yoyose yowapetela wanhu yawapetele mbuli za Imulungu. Munhu yoyose yosang'hanila yasang'hane kwa nguvu zose ziyagweleligwe na Imulungu, ili mna izimbuli zose Imulungu yatogoligwe kubitila Yesu Kilisito. Kumwake uwe ukulu na udahi siku zose. Ona.