Yohana 15:20 - Biblia Kikutu

²⁰ Kumbukeni kiniwalongele, ‘Mtumwa hali mkulu kubanza mkulu wake.’ Kamba wanhu wanidununza niye vivija owadununza na mweye. Kamba wagagoga mafundizo gangu, ogagoga na genu vivija.

Yohana 15:20 ပူးပေါင်းရင်းမြစ်များ

Matayo 10:24

“Mwanahina hali mkulu kubanza mfundiza wake, wala mtumwa hambita mndewa wake.

Maluko 10:39

Wamwidika, “Todaha,” Yesu kawalongela, “Mong'wela kikasi chonda ning'wele niye na kubatizigwa ubatizo onda nibatizigwe niye.

Luka 2:34

Simeoni kawatambikila, kamulongela Malia, “Mwana ino kasaguligwa na Imulungu mbuli ya kupotela na kukomboligwa wanhu wengi wa Izilaeli. Nayo kokuwa kilaguso kulawa kwa Imulungu, na wanhu wengi omulema.

Luka 6:40

Kuduhu mwanahina yombanza mfundiza wake. Lakini kila mwanahina yahamambukiza mafunzo gake, koigala na mfundiza wake.

Yohana 10:31

Abaho Wayahudi wadondola mabwe kabili wamtowe Yesu.

Yohana 11:57

Wakulu wa walava nhosa na Mafalisayo walagiza kamba munhu yoyose kakujuwa kuyali Yesu yalonge, ili wamgoge.

Yohana 13:16

Nowalongeleni ukweli, mtumwa hali mkulu kubanza mkulu wake, na msenga hali mkulu kubanza ija yamtumile.

Yohana 5:16

Abaho Wayahudi wasonga kumwihila Yesu kwavija kamuhonya munhu siku ya Kubwihila.

Yohana 7:32

Mafalisayo waluhulika lunhu lonyong'onya mbuli ya Yesu, avo wao na iwakulu wa walava nhosa wawatuma wakalizi wamgoge.

Yohana 8:51

Nowalongeleni ukweli, munhu yoyose yotogola mafundizo gangu honda yafe bule.”

Yohana 8:52

Avo, Wayahudi wamulongela, “Sambi tojuwa kamba gweye kuna kinyamkela! Abulahamu kafa, na watula ndagu wa Imulungu wafa, abaho gweye kolonga yoyose yotogola mafundizo gako honda yafe bule.

Yohana 8:59

Abaho wadondola mabwe wampigisile, lakini Yesu kaifisa kalawanya Mng'anda ya Imulungu.

Sang'hano 14:22

Wawagangamiza wanahina wa Yesu na wawalonda wakale mna ukutamanila, wawafundiza, “Tolondigwa tubitile madununzo mengi ili twingile Muundewa wa Imulungu.”

1 Wakolinto 4:12

vivija todununzika na kusang'hana kwa makono getu wenyego. Twahaduwiligwa, towapulila kwa Imulungu vinhu vinogile, na twahadununzigwa tofunga umoyo,

2 Wakolinto 4:9

todununzigwa, lakini hatulekigwa kutazigwa, tolagazigwa hasi, lakini hatubanangigwe bule.

1 Wasesalonike 2:15

wamkomile Mndewa Yesu na watula ndagu wa Imulungu na kutudununza na siye vivija. Wanhu awo omgevuza Imulungu na hawailumba na munhu yoyose!

2 Timoseo 3:12

Munhu yoyose yolonda kukala na ugima umnogeza Imulungu kwa kuilumba na Yesu Kilisito kodununzigwa.

1 Samweli 8:7

Mndewa Imulungu kamulongela Samweli, “Tegeleza kila kinhu kiwokulongela iwanhu, kwavija hawakulemile gweye, ila wanilema niye sambi niwe mndewa kumwao.