Yohana 15:18 - Biblia Kikutu

¹⁸ “Wanhu wa mwiisi wahawehila, kumbukeni kamba wasonga kunihila niye.

Yohana 15:18 ပူးပေါင်းရင်းမြစ်များ

Nongezi 29:27

Msang'hana gehile, ngevuzo kwa munhu yeli na haki, na munhu yeli na haki, ngevuzo kwa msang'hana gehile.

Matayo 10:22

Wanhu wose owehila mweye mbuli ya twaga jangu. Lakini yoyose yonda yafunge umoyo mbaka kukimambukizo, kokomboligwa.

Matayo 24:9

“Abaho mogogigwa, modununzigwa na kukomigwa. Wanhu wa isi zose owehila mbuli ya niye.

Matayo 5:11

“Mmweda mweye muligigwa na kudununzwa na kulongigwa vihile, kwavija mwa wanahina zangu.

Maluko 13:13

Wanhu wose owehila mweye mbuli ya niye, lakini yoyose yonda yafunge umoyo mbaka kukimambukizo kokomboligwa.

Luka 6:22

“Mmweda mweye kamba wanhu omwihilani, owalema, owaliga na kuwalonga vihile kwa mbuli ya Mwana wa Munhu!

Yohana 16:1

Yesu kawalongela, “Niwalongeleni gano gose ili sikumuleke kunitogola niye.

Yohana 16:33

Niwalongela gano gose, ili kwa kubandagala mmwangu mkale moyo uholile. Mwiisi mnago madununzo, lakini fungeni umoyo! Niye niihuma isi!”

Yohana 3:20

Wanhu wose otenda gehile hawaulonda mulenge na haweza kumulenge, kwavija hawalonda gehile gao gowotenda goneke.

Yohana 7:7

Wanhu wa mwiisi hawawehila mweye, lakini onihila niye, kwavija siku zose nowalongela gaja goyotenda ganyolodoka.

Sang'hano 14:22

Wawagangamiza wanahina wa Yesu na wawalonda wakale mna ukutamanila, wawafundiza, “Tolondigwa tubitile madununzo mengi ili twingile Muundewa wa Imulungu.”

Waebulania 12:2

Meso getu tumulole Yesu, itumtamanila kulawa ichanduso mbaka kuuhelelo. Viyakalile mumsalaba habwelile kuchugu! Mbuli ya ndeng'helelo ikalile yombeta, hatongile kinyala cha msalaba na sambi kakala muukulu mwambu wa mkono wa kudila wa kigoda cha ukulu cha Imulungu.

Yakobo 4:4

Mweye wanhu hamutamaniligwa! Vino hamujuwile bule kamba kuinogela isi ino kuko kuihila na Imulungu? Munhu yoyose yoinogela isi ino koihila na Imulungu.

1 Yohana 3:1

Loleni, Tata viyatunogele ng'hani, mbaka tokemigwa wana wa Imulungu! Ona vivo vitwili. Lekaavo wanhu wa mwiisi hawatujuwile siye, kwavija hawamjuwile heyo.

1 Yohana 3:13

Avo ndugu zangu, sikumukanganye kamba wanhu wa mwiisi ino owehila mweye.

1 Yohana 3:3

Munhu yoyose yomtamanila Kilisito koisunha, kamba vija Kilisito viyaisunhile.